काठमाडौं। नेपाली सांगीतिक बजार संगीतमय बन्दै गएको छ। पछिल्लो समय एकपछि अर्को गरेर नयाँ नयाँ गीतहरु सार्वजनिक भईरहेका छन्। नेपाली महिलाहरुको महान पर्व हरितालिका तीज सकिए लगत्तै बिभिन्न कलाकारहरुले फरक फरक गीतहरु बजारमा ल्याउने होडबाजी चलिरहेको छ।

सोही क्रममा पर्वतको माटोमा जन्मिएका बहुप्रतिभाशाली ब्यक्ति लोकप्रिय गीतकार, संगीतकार कस्तुप पन्तको नयाँ गीत “मगमग बासना” केही दिन अघी सार्वजनिक भएको छ। यस गीतले छोटो समय मै दर्शकहरुको मन जित्न सफल भएको छ।

“मगमग बासना” नामक गीतमा लोकप्रिय गायक बद्री पंगेनी र रचना रिमालको स्वर रहेको छ भने कस्तुप पन्त कै शब्द, संगीत रहेको छ। यस गीतको भिडियोमा प्रशान्त मगरको निर्देशन, दिनेश पराजुलीको छायांकन, दिपक बिष्टको सम्पादन रहेको छ।

उक्त गीतको भिडियोमा चर्चित कलाकारहरु पल शाह र जुना बिश्वकर्माको अभिनय रहेको छ। यस गीतलाई कस्तुप पन्त कै युटुब च्यानलबाट सार्वजनिक गरिएको हो।

भिडियो हेर्नका लागी तलको लिंक क्लिक गर्नुहोला।