काठमाडौं । राष्ट्रिय लोक तथा दोहोरी गीत प्रतिष्ठान नेपालले चितवनमा आठौँ राष्ट्रिय रनिङ शिल्ड दोहोरी गीत प्रतियोगिताको आयोजना गर्ने भएको छ । यही फागुन १७ देखि २० गतेसम्म भरतपुर चितवनको वीरेन्द्र बहुमुखी क्याम्पसस्थित डिग्री खेल मैदानमा हुनेछ ।

देशैभरीका कलाकारहरुको सहभागितामा यस प्रतियोगिताको आयोजना गरिएको लोक दोहोरी प्रतिष्ठान केन्द्रका प्रथम उपाध्यक्ष एवं सम्पूर्ण प्रतियोगी कलाकारहरुका संयोजक दिपक खड्काले जानकारी दिए । प्रतिष्ठान केन्द्रले विगतदेखि नै राष्ट्रिय रनिङ शिल्ड दोहोरी गीत प्रतियोगिताको आयोजना गर्दै आएकाले त्यसैलाई निरन्तरता दिइएको उनले बताए ।

यस प्रतियोगितामा देशैभरबाट ‘ए’ र ‘बी’ ग्रुप गरी ४२ टिमले सहभागिता जनाउने संयोजक खड्काले जानकारी दिए । प्रतियोगितामा सहभागी टिमहरुमा ‘ए’ ग्रुपबाट प्रतिष्ठान कतार शाखा, प्रतिष्ठान कास्की, प्रतिष्ठान वागमती प्रदेश, प्रतिष्ठान सुन्धारा समिति, प्रतिष्ठान जापान शाखा, प्रतिष्ठान काठमाडौं, प्रतिष्ठान दाङ, प्रतिष्ठान बाँके, प्रतिष्ठान बागलुङ, प्रतिष्ठान स्याङ्जाले भाग लिनेछन् ।

त्यसैगरी प्रतिष्ठान बर्दिया, प्रतिष्ठान युके शाखा, प्रतिष्ठान ललितपुर समिति, प्रतिष्ठान नयाँ बसपार्क समिति, प्रतिष्ठान धादिङ, प्रतिष्ठान कालिकोट, प्रतिष्ठान नवलपुर, प्रतिष्ठान तेह्रथुम, प्रतिष्ठान कैलाली, प्रतिष्ठान कपिलबस्तु, प्रतिष्ठान भारतको बैंगलोर शाखाले भाग लिने छन् ।

त्यसैगरी ‘बी’ ग्रुपबाट प्रतिष्ठान कञ्चनपुर, प्रतिष्ठान म्याग्दी, प्रतिष्ठान उपत्यका समन्वय समिति, प्रतिष्ठान कोरिया शाखा, प्रतिष्ठान गुल्मी, प्रतिष्ठान नवलपरासी, प्रतिष्ठान तनहुँ, प्रतिष्ठान गोरखा, प्रतिष्ठान पर्वत, प्रतिष्ठान लुम्बिनी प्रदेश, प्रतिष्ठान चितवन, प्रतिष्ठान मकवानपुर, प्रतिष्ठान पाल्पा, प्रतिष्ठान लमजुङ, प्रतिष्ठान रुपन्देहीले भाग लिने छन् ।

त्यस्तै प्रतिष्ठान सुर्खेत, प्रतिष्ठान गण्डकी प्रदेश, प्रतिष्ठान सुदूरपश्चिम प्रदेश, प्रतिष्ठान नुवाकोट, प्रतिष्ठान युरोप शाखा र प्रतिष्ठान हङकङ शाखाबाट कलाकारहरुले सहभागिता जनाउने संयोजक खड्काले जानकारी दिए ।

यस प्रतियोगितामा प्रथम पुरस्कार रु ३ लाख, दोस्रो २ लाख, तेस्रो १ लाख र सान्त्वना पुरस्कार ५० हजार राखिएको छ। प्रतिष्ठान केन्द्रले आयोजना गरेको प्रतियोगितामा प्रतिष्ठान वागमती प्रदेश समिति सहआयोजक रहनेछ भने प्रतिष्ठान जिल्ला कार्यसमिति चितवनले व्यवस्थापन गर्नेछ। सो प्रतियोगितामा कलाकार, पत्रकार, समाजसेबी ब्यक्तित्व र संगीतप्रेमीहरुको बिशेष उपस्थिती रहने कुरा प्रतिष्ठान केन्द्रका सञ्चार संयोजक राज कुमार रायमाझीले जानकारी गराए।