काठमाडौं। नेपाली सांगीतिक बजार संगीतमय बन्दै गएको छ। पछिल्लो समय एकपछि अर्को गरेर नयाँ नयाँ गीतहरु सार्वजनिक भईरहेका छन्। सोही क्रममा लामो समयदेखि अमेरिकालाई कर्मथलो बनाउँदै आएका गायक भीम चापागाईंको स्वरमा सजिएको नयाँ भजन गीत “कोटी नमस्कार” ले यति बेला सांगीतिक बजारमा निकै चर्चा बटुलिरहेको छ।

नेपाली कला, संस्कृति र अध्यात्मप्रति विशेष चासो राख्ने चापागाईंले यस भजन आफ्नै आधिकारिक युट्युब च्यानल Bhim Chapagain Official मार्फत सार्वजनिक गरेका हुन्। यस भजनमा बरिष्ठ गायक बिमलराज क्षत्रीको शब्द, चर्चित संगीतकार तथा एरेञ्जर लक्षु प्रकाश मल्लको संगीत संकलन तथा एरेञ्ज रहेको छ।

भीम चापागाईंलाई यमन माझी, आरती राना र मुना रोक्काले स्वरमा साथ दिएका छन्। सो भजनको भिडियोमा रोशन धितालको निर्देशन, सम्पादन र रङ्ग संयोजन रहेको छ भने भिडियोमा विमलराज क्षेत्री, होम धिताल, हिराकाजी सेञ्चुरी, लछु प्रकाश मल्ल लगायतका कलाकारहरूको अभिनय देख्न सकिन्छ।

भिडियोको छायांकन मरूभूमि नारायण र रमेश भण्डारीले गरेका हुन्। गीतमा धौलागिरीको क्षेत्र (पर्वत, बागलुङ, म्याग्दी, मुस्ताङ) मा गुन्जिने भजनलाई संरक्षणार्थ यस भजन सार्वजनिक गरिएको कुरा गायक चापागाईँले बताएका छन्।

सोही भजन हेर्नको लागी तलको लिंक क्लिक गर्नुहोला।