काठमाडौं। नेपाली संगीत क्षेत्रमा पछिल्लो समय एकपछि अर्को गर्दै नयाँ गीतहरू सार्वजनिक भइरहेका छन्। सोही क्रममा लोकप्रिय गायक एबं सर्जक बिष्णु खत्रीको नयाँ गीत “अस्ट्रेलिया सिड्नी” सार्वजनिक भएको छ। अस्ट्रेलिया सिड्नी नामक गीतमा प्रेमिल शब्दहरुलाई एकदमै रोमाञ्चक तरिकाले प्रस्तुत गरिएको छ। गीतमा प्रेमिल जोडी अस्ट्रेलिया घुम्ने चाहना भएको कुरालाई समेट्ने प्रयास गरिएको छ।

यस गीतमा बिष्णु खत्री र दिपिका बयम्भु मगरको स्वर रहेको छ। गीतमा बिष्णु खत्री कै शब्द, संगीत रहेको छ भने याम थापा मगरको एरेञ्ज र चर्चित ध्वनी सम्पादक श्यामश्वेत रसाईलीको मिक्सिङ रहेको छ। सो गीतको भिडियोमा प्रबिण थापाको निर्देशन तथा कोरियोेग्राफी रहेको छ भने करण चैशिरको छायांकन, मिलन बिश्वकर्माको सम्पादन रहेको छ।

उक्त गीतको भिडियोमा चर्चित मोडलहरु लोमश शर्मा र गीता ढुंगानाको अभिनय रहेको छ। “अस्ट्रेलिया सिड्नी” नामक गीतलाई बिष्णु खत्री कै युटुब च्यानलबाट सार्वजनिक गरिएको हो। बिष्णु खत्रीले आफ्नो जन्मदिनको अवसर पारेर यो गीत सार्वजनिक गरेका हुन्।

भिडियो हेर्न तलको लिंक क्लिक गर्नुहोला।