काठमाडौं। धुनीबेशी नगरपालिकामा आर. आर. एण्ड भालेश्वर ट्रेड कम्पनीलाई परेको ठेक्का अनजायज रुपमा ललितपुरको सानेपामा गुण्डागर्दी शैलीमा बसी चन्दा उठाए जसरी जवरजस्ती रुपमा कर असुली गरेको छ। धुनीबेशी नगरपालिकामा आर. आर. एण्ड भालेश्वर ट्रेड कम्पनीलाई परेको कवाडी निकासी ठेक्कालाई धुनीबेशी नगरपालिकामा नै नबसी ललितपुर महानगरपालिका वडा नं. २ स्थित सानेपामा बसी खुलेआम निकासी बिल काट्ने गरेको र यस प्रती सम्बन्धित निकाय र सरोकारवालाहरुको कुनै पनि चासो देखिएको छैन।

खुलेआम आफ्नो कार्यक्षेत्र भन्दा बाहिर रहेर यस्तो गैरकानुनी क्रियाकलाप गर्दा पनि ललितपुर महानगरपालिकाका कार्यकारी प्रमुख, मेयर, सिडियो मौन अवस्थामा बसेको पाईएको छ। गत बर्षको माघमा राजश्व अनुसन्धान बिभागमा उजुरी पर्दा पनि गैरकानुनी काम र करोडौंको कर तथा भ्याट छली गर्दा पनि कुनै कारबाही हुन सकेको छैन। धुनीबेशी नगरपालिकाका कर्मचारीहरुको मिलेमतोमा धुनीबेशीको कवाडी काट्ने मेसिन ललितपुर, काठमाडौंमा ल्याई ललितपुर, काठमाडौं जिल्लामा कवाडी काट्ने गरेको कुरा खुल्न आएको छ।

धुनीबेशी नगरपालिकाको मेसिन ललितपुर, काठमाडौं ल्याई प्रयोग गरेमा मिस्युज गरी करोडौं मुनाफा आर्जन गरेको कुरा गोप्य सुचना प्राप्त भएको छ। आर. आर. एण्ड भालेश्वर ट्रेडले ब्यापारीहरुलाई गुण्डागर्दी शैलीमा थर्काएर आतंकित बनाएर पैसा असुल गर्ने, कर काट्ने लगायत अन्य क्रियाकलापहरु गरेको कुरा खुल्न आएको छ। धुनीबेशी नगरपालिका प्रमुख देखी कर्मचारीहरु र ललितपुरका कार्यकारी प्रमुख, मेयर र सिडियोको मिलेमतोमा करोडौंको भ्याट तथा कर छली गर्ने कम्पनीलाई देखेर पनि नदेखे जस्तो गरेको आरोप लागेको छ। देखेर पनि नदेखे जस्तो गर्नु, मौन बस्नु र ब्यवसायीहरुको गुनासोको समाधान नहुनु कस्को दोष ? आखिर राज्य नै किन मौन बसेको छ। ठुलालाई चैन, सानालाई ऐन भने झै हो त ? कानुन सबैका लागी बराबर हैन र ? यस बिषयमा सम्बन्धित निकाय र सरोकारहरुले उचित छानबिन गरी आवश्यक कारबाही अगाडी बढाउनुपर्ने देखिन्छ।