म्याग्देली लोक तथा दोहोरी गायक एबं हास्य कलाकार रवि कार्कीको नयाँ लोक दोहोरी गीत “साईली सलक्कै” सार्वजनिक भएको छ ।

म्याग्देली गायक रबी कार्की र पछिल्लो समयकी चर्चित लोक दोहोरी गायीका शान्तिश्री परियारको सुमधुर स्वरमा रहेको गीतको म्युजिक एरेन्ज आशिष अविरलले गरेका हुन् ।

पछिल्लो समयका चर्चित निर्देशक मौसम हिमालीको निर्देशन तथा कोरियोग्राफी रहेको गीतमा म्युजिक भिडियोमा नवराज उप्रेतीको छायांकन, मनोज कार्कीको सम्पादन रहेको छ ।

गण्डक क्षेत्रतिर निकै प्रचलित पुरानो मौलिक भाका तथा थेगोलाई टपक्कै टिपेर शब्दहरु परिमार्जित गर्दै गीत बजारमा ल्याएको गायक रवि कार्कीले बताए ।

म्याग्दी भिरमुनी घरभई हालः जापानमा रहेका लोकप्रीय सर्जक प्रविण खत्री ठूलेको शव्द सृजना रहेको छ । “साईली सलक्कै” भाका आफु सानै छदा स्थानीयहरुले गायको सुनेको तर यो गीत कस्ले सृजना गरेको हो भन्न थाहा नभएको सर्जक खत्रीले बताए ।

कार्कीले गाएको जाम सुस्तै बोलको लोक दोहोरी गीत करोड कल्वमा प्रवेश गरको छ भने माया के रैछ, बेनी बजार झर मायालु, गलेश्वरको दर्शन लोक भजन लगायतका गीतहरु चर्चामा रहेका छन ।

उक्त गीतको भिडियोमा सुधिर श्रेष्ठ र जुना सुन्दासको अभिनय रहेको छ । यस अघिका गीतहरुले जस्तै “साईली सलक्कै” ले पनि सवै श्रोता दर्शकको अथाह माया पाउने अपेक्षा गरेको गायक कार्कीले बताए ।

सोही गीतको भिडियो हेर्नका लागी तलको लिंक क्लिक गर्नुहोला ।