काठमाडौं । दर्पण संगीतालयको आयोजनामा बिजया, शुभ दिपावली तथा छट पर्वको पावन अवसरमा काठमाडौं, जमल स्थित राष्ट्रिय नाचघरमा “शुभकामना सांगीतिक साँझ – २०८०” सम्पन्न भएको छ । यस कार्यक्रममा दर्पण संगीतालयका अध्यक्ष उदिराम खड्काको अध्यक्षता रहेको थियो भने समाजसेबी तथा दर्पण संगीतालयका सल्लाहकार भुपेन्द्र जंग शाहीको प्रमुख आतिथ्यता रहेको थियो ।

कार्यक्रममा राष्ट्रिय लोक तथा दोहोरी गीत प्रतिष्ठान नेपालका पुर्व अध्यक्षहरु दुर्गा रायमाझी र चन्द्र शर्मा, चर्चित गायक रामजी खाण, चर्चित गायिका राधिका हमाल, चर्चित कलाकार एबं खेलाडी, चर्चित गायिका टिका पुन, चर्चित गायक धनराज चुनारा, चर्चित गायिका मिना लामा, चर्चित गायक अमृत खाती, चर्चित गायिका दिपा रोकाया, चर्चित गायिका सरु बोहरा, चर्चित गायक जय देबकोटा लगायत अन्य चर्चित कलाकारहरु, पत्रकारहरुको बाक्लो उपस्थिती रहेको थियो ।

उक्त कार्यक्रममा चर्चित गायक रामजी खाण, चर्चित गायिका राधिका हमाल, चर्चित गायिका टिका पुन, चर्चित गायक धनराज चुनारा, चर्चित गायिका मिना लामा, चर्चित गायिका दिपा रोकाया, चर्चित गायिका सरु बोहरा, चर्चित गायक जय देबकोटा लगायत थुप्रै कलाकारहरुले सांगीतिक प्रस्तुती राखेका थिए भने सत्यवती कला केन्द्रका कलाकारहरुले बिभिन्न नृत्य प्रस्तुत गरेका थिए ।

यस कार्यक्रममा सञ्चारकर्मी राजु बोहरा, सञ्चारकर्मी राज कुमार रायमाझी, पत्रकार मदन कुमार श्रेष्ठ, पत्रकार एबं गीतकार निर्देशक प्रकाश बराईली “अभिब्यक्ति” लाई पत्रकारिताको माध्यम मार्फत नेपाली गीत संगीतको क्षेत्रलाई संरक्षण, सम्बद्र्धन र प्रवद्र्धनमा टेवा पुराएको भनी सम्मान गरिएको थियो भने अग्रज कलाकारहरु संगै सांगीतिक प्रस्तुती दिने कलाकारहरुलाई सम्मान गरिएको थियो । “शुभकामना सांगीतिक साँझ – २०८०” मा दर्पण संगीतालयका अध्यक्ष उदिराम खड्काले स्वागत मन्तब्य राखेका थिए भने हरी पुन मगरले कार्यक्रमको सञ्चालन गरेका थिए ।