काठमाडौं / नेपाल

महिलाहरुको महान पर्व हरितालिका तीज नजिकिदै गर्दा तीज विशेष गीतहरु बजारमा आउने क्रम जारी छन् । सोही क्रममा लोकदोहोरी गायिका सिता राना मगरको तीज विशेष गीत “कलेजीको माया बरिलै” सार्वजनिक भएको छ । यस गीतमा सीता राना मगर र चर्चित गायक गायक चन्द्र शर्माको स्वर रहेको छ ।

उनीहरुको युगल आवाज रहेको उक्त गीतको भिडियो केही दिन अघि गायिका रानाकै नामको युट्युब च्यानल मार्फत सार्वजनिक भएको छ । नेत्र अर्यालको शब्द रचना रहेको गीतमा गायक चन्द्र शर्मा र जय देवकोटाले संगीत भरेका छन् ।

उक्त गीतको भिडियोमा शेखर घर्ती मगरको निर्देशन तथा कोरियोग्राफी रहेको छ भने उनी आफैं र नृत्यंगाना आरुशी मगरले नृत्य गरेका छन् । दुर्गा पौडेलको छायांकन रहेको भिडियोलाई नविन घर्ती मगरले सम्पादन गरेका हुन् ।

नजिकै आउँदै गरेको महान् पर्व तीजको छेको पारेर गीत ल्याएको गायिका रानाले बताइन् । राष्ट्रिय लो तथा दोहोरी गीत प्रतिष्ठान नेपालको केन्द्रीय सदस्य रहेकी गायिका सिताले यसभन्दा अगाडि पनि विभिन्न तीज तथा लोकदोहोरी गीत बजारमा ल्याउँदै आएकी छन् । गायक चन्द्र शर्मा प्रतिष्ठानका पूर्व केन्द्रिय अध्यक्ष समेत हुन् ।

सोही गीतको भिडियो हेर्न तलको लिन्क क्लिक गर्नुहोला ।