काठमाडौं, नेपाल । लोकप्रिय लोक तथा दोहोरी गायिका टिका पुनको “टिका पुन सांगीतिक साँझ” का लागी माघ १७ गते पत्रकार सम्मेलन कार्यक्रम सम्पन्न भएको छ । यस कार्यक्रम २०७९ माघ २१ गते शनीबारका दिन काठमाडौं स्थित नेपाल प्रज्ञा प्रतिष्ठानको हलमा भब्य रुपमा सम्पन्न हुदैछ । कार्यक्रममा लोकप्रिय गायिका संगै नारायाण रायमाझी, खड्ग गर्बुजा, बिबि अनुरागी, मिलन लामा, राजु परियार, पशुपती शर्मा, रामजी खाण, किरणबाबु पुन लगायत अन्य कलाकारहरुको पनि प्रस्तुती रहने कुरा आयोजक पक्षले बताएको छ ।

पत्रकार सम्मेलनमा दर्पण संगीतालयका अध्यक्ष उदिराम खड्काको सभापतित्व रहेको थियो भने लोक स्वर सम्राट राजु परियारको प्रमुख आतिथ्यता रहेको थियो । साथै कार्यक्रममा कृष्ण कंडेल, मिना लामा मन बहादुर पुन, करिश्मा घर्ती, अमृत खाती, धनारज चुनारा, खुम केसी, राज कुमार रायमाझी लगायत अन्य कलाकार र पत्रकारहरुको उपस्थिती रहेको थियो । कार्यक्रम सञ्चालन कमल सरगमले गरेका थिए ।

“टिका पुन सांगीतिक साँझ” दर्पण संगीतालयले आयोजना गरेको हो भने सत्यवती कला केन्द्रले सहकार्य गरेको हो । सुर्खेतमा जन्मिएकी बहुप्रतिभाशाली गायिका टिका पुनको कर्म घर दाङ हो । हालः उनले काठमाडौंलाई कर्मथलो बनाएकी छिन् । उनी बिभिन्न संघ संस्थाहरुमा पनी आबद्ध छिन् । टिका पुन दर्पण संगीतालयको कार्यक्रम सञ्चालिका समेत हुन् । साथै उनी राष्ट्रिय लोक तथा दोहोरी गीत प्रतिष्ठान नेपालको निवर्तमान सह – कोषाध्यक्ष समेत हुन् ।

टिका पुनले सबै प्रकारका गीत गाउन सक्छिन् । केही समय अघी उनले राजु परियार सँग गाएको कती राम्रो दमाईको छोरो नामक लाईभ दोहोरीले अत्याधिक चर्चा कमाउन सफल भएको थियो । उनै लोकप्रिय गायिका टिका पुनले स्वर दिएका गीतहरु लालुपाते फुल छैन रुख मात्रै, सलल बगेको भेरी नदी, क्षितिज पारी उनको बस्तीमा, म पुजा गर्छु मायाको, ए बि सि डि, समाजको बन्धन, छोरी पाए, यो मार्मिक सन्देश, जुन पनी दाग छ, तिम्रो दर्शन पाईन, पोखरा फेवाताल घुम्नलाई, म त जुनी जुनी लगायत थुप्रै गीतहरुले चर्चा बटुल्न सफल भएका थिए ।

टिका पुनले ६ हजार भन्दा बढी गीतहरुमा स्वर दिईसकेकी छिन् । सानै छँदा गायनमा रुची राख्ने टिका पुनले बिगत १८ बर्ष देखी सांगीतिक क्षेत्रमा कर्म गर्दै आईरहेकी छिन् । “टिका पुन सांगीतिक साँझ” लाई भब्य रुपमा सफल बनाउन आयोजक टिमले कसरत गरिरहेको कुरा बताउदै सबैले आ आफ्नो तर्फबाट सहयोग गरिदिन कार्यक्रम संयोजक उदिराम खड्काले अनुरोध गरेका छन् ।

“टिका पुन सांगीतिक साँझ” आयोजना हुन गईरहेकोमा खुसी ब्यक्त गर्दै टिका पुन भन्छिन् “यो कार्यक्रम आयोजना हुनु मेरो लागी गर्वको कुरा हो । सर्वप्रथम त मेरा भगवानरुपी दर्शकहरुलाई नमन गर्न चाहन्छु । यस कार्यक्रमका संयोजक उदिराम खड्का दाई प्रती पनि आभारी छु । उदिराम खड्का दाईले मलाई दिनरात नभनी भोक निन्द्रा नभनी खटिनु भएको छ । सबैले मेरो कार्यक्रमलाई सभ्य भब्य रुपमा सफल बनाईदिनुहोला । साथै पत्रकार मित्रहरुले आफ्नो मिडियाबाट समाचार सम्प्रेषण गरिदिनुहोला । टिका पुन सांगीतिक साँझलाई भब्य रुपमा सफल बनाउन सबैले आ – आफ्नो तर्फबाट सक्दो सहयोग गरिदिनुहुन बिनम्र अनुरोध गर्दछु ।”