काठमाडौं । म्युजिक भिडियो कलाकार संघ नेपालको आयोजनामा “कलाकार भेटघाट तथा बृहत बनभोज कार्यक्रम” सम्पन्न भएको छ । यस कार्यक्रम लोकप्रिय मोडल एबं निर्देशक तथा यसै संस्थाका अध्यक्ष शंकर बिसीको अध्यक्षता रहेको थियो । कार्यक्रममा बिबिध साँस्कृतिक कार्यक्रम संगै अन्य मनोरञ्जनात्मक कार्यक्रमहरु पनि गरिएको थियो ।

औपचारिक कार्यक्रमको सञ्चालन महासचिव सुनिल लामिछाने गरेका थिए भने बिबिध साँस्कृतिक कार्यक्रम सुनिल लामिछाने र शंकर बिसीले सहजिकरण गर्दै सञ्चालन गरेका थिए । यस कार्यक्रममा थुप्रै चर्चित कलाकारहरुको उपस्थिती रहेको थियो । कार्यक्रममा उपस्थित सम्पुर्णलाई धन्यबाद दिदै यस संस्थामा आफ्नो कार्यकाल पुरा हुन लागेको र केही महिनापछि नयाँ अधिबेशनबाट नयाँ नेतृत्वलाई कार्यभर सुम्पिने कुरा अध्यक्ष शंकर बिसीले बताए ।

सधै अरुका निम्ती खटिने, अरुको भिडियोमा काम गर्ने कलाकारहरुले बर्ष एक चोटी त रमाईलो गरौं । आफ्नो साथीभाईहरु भेटघाट गरौं, सुख दुख साटौ भन्ने उदेश्यले यस कार्यक्रमको आयोजना गरिएको कुरा अध्यक्ष शंकर बिसीले बताए । साथै म्युजिक भिडियोमा अभिनय तथा नृत्य गर्ने जुनसुकै कलाकारहरुलाई पनी सहयोग गर्न तयार रहने बताउदै बिगतमा स्व. निशा घिमिरे र दुरघट्नामा परेर घाईते भएकी मोडल साया भण्डारीलाई म्युजिक भिडियो कलाकार संघ नेपालले आर्थिक सहयोग गरेको कुरा पनि अध्यक्ष बिसीले जानकारी गराए । यस कार्यक्रममा संयोजकका रुपमा चर्चित मोडल सारिका केसी रहेकी थिईन् । कार्यक्रमलाई आर्थिक, नैतिक, भौतिक रुपमा सहयोग गर्ने ब्यक्तिहरुलाई सम्मान गरिएको थियो ।