काठमाडौं । दोहोरी साँझहरुको छाता संगठन “राष्ट्रिय लोक दोहोरी ब्यवसायी संघ” को “पाँचौ साधारण सभा, सम्मान तथा शुभकामना आदानप्रदान कार्यक्रम – २०८०” नेपाल सरकारका उपप्रधानमन्त्री तथा गृहमन्त्री माननीय नारायण काजी श्रेष्ठको प्रमुख आतिथ्यतामा सम्पन्न भएको छ । कार्यक्रममा सोही संस्थाका अध्यक्ष गुणराज खनालको अध्यक्षता रहेको थियो ।

कार्यक्रममको सञ्चालन महासचिव भिम श्रेष्ठले गरेका थिए । “पाँचौ साधारण सभा, सम्मान तथा शुभकामना आदानप्रदान कार्यक्रम – २०८०” को अवसरमा गोर्खा ब्रुअरी टुवोर्ग बियरलाई र सक्रिय सदस्य दिलु सलामी मगरलाई सम्मान गरिएको थियो । “पाँचौ साधारण सभा, सम्मान तथा शुभकामना आदानप्रदान कार्यक्रम – २०८०” नेपाल सरकारका उपप्रधानमन्त्री तथा गृहमन्त्री माननीय नारायण काजी श्रेष्ठले दिप प्रज्वलन गरी कार्यक्रमको उद्घाटन गरेका थिए ।

कार्यक्रममा उपाध्यक्ष दिपसागर थापा मगरले स्वागत मन्तब्य राखेका थिए । उपप्रधानमन्त्री तथा गृहमन्त्री माननीय नारायण काजी श्रेष्ठले कार्यक्रमलाई सफलताको शुभकामना दिदै आफ्नो तर्फबाट सक्दो सहयोग गर्ने प्रतिबद्धता जनाएका थिए । साथै ईजरायलमा ज्यान गुमाएकाहरु प्रती श्रद्धाञ्जली अर्पण गर्दै घाईतेहरुलाई तुरुन्त सहयोग गर्ने र मृतकहरुका परिवारलाई नेपाल सरकारले केही सहयोग गर्ने कुरा प्रतिबद्धता जनाएका थिए ।