काठमाडौं। नेपाल राष्ट्रिय दलित समाज कल्याण संघ (NNDSWO) को समन्वयमा “बिश्वब्यापी आवधिक समिक्षा Universal Periodic Report (UPR) २०२५” को संयुक्त प्रतिबेदन तयारी राष्ट्रिय परामर्श गोष्ठी कार्यक्रम सम्पन्न भएको छ। यस कार्यक्रममा नेपाल राष्ट्रिय दलित समाज कल्याण संघका राष्ट्रिय अध्यक्ष त्रिलोक चन्द बिश्वास बिकको अध्यक्षता रहेको थियो भने माननिय हर्कमाया बिकको प्रमुख आतिथ्यता रहेको थियो।

कार्यक्रममा केशर औजीले सहजीकरण गरेका थिए भने दलित नागरिक समाजका संयोजक मोतीलाल नेपालीले स्वागत मन्तब्य संगै सो गोष्ठीको बारेमा प्रकाश पारेका थिए। उक्त कार्यक्रममा बिभिन्न संघ संस्थाका प्रतिनिधी, समाजसेबी, दलित अगुवा, अल्पशंख्यक, मधेसी दलित, बादी समुदाय लगायतको उपिस्थती रहेको थियो।

गोष्ठीमा दलित समुदायमा बिगत देखी हाल सम्म भईरहेका घट्ना तथा क्रियाकलाप, दलित समुदायले भोग्नु परेका पिडाहरु, दलित समुदाय माथी भईरहेका दमन तथा बिभेदको न्युनिकरणका उपायहरु, दलितलाई राज्यबाट हुनुपर्ने पहलहरु लगायत थुप्रै बिषय बस्तुहरु माथी छलफल गरिएको थियो। साथै आगामी अंग्रेजी नयाँ बर्ष २०२६ मा स्विजरल्याण्डको जेनेभामा हुन गईरहेको बिश्वब्यापी आवधिक समिक्षा कार्यक्रममा प्रस्तुत गरिने बिषय बस्तु उपर छलफल गरिएको थियो।

बिश्वब्यापी आवधिक समिक्षा २०२५ को संयुक्त प्रतिबेदन तयारी राष्ट्रिय परामर्श गोष्ठी कार्यक्रममा उपस्थित भई महत्वपुर्ण सुझावहरु दिएकोमा सम्पुर्णहरु प्रती आभार प्रकट गर्दै प्रतिबेदन पुर्ण रुपले तयार भएपछि दलित प्रतिनिधी, दलित अगुवा, समाजसेबी, सम्बन्धित निकाय, शुभेच्छुक संघ संस्थाहरुलाई समेटिएर भेलाको आयोजना गरी प्रतिबेदन प्रस्तुत गर्ने र भेलाबाट पास गराएर बिश्वब्यापी आवधिक समिक्षामा नेपालको तर्फबाट प्रस्तुत गरिने कुरा नेपाल राष्ट्रिय दलित समाज कल्याण संघका राष्ट्रिय अध्यक्ष अधिवक्ता त्रिलोक चन्द बिश्वास बिकले जानकारी गराएका छन्।