“नारायण रायमाझी सांगीतिक साँझ” बाट बचत भएको रकम मध्य १० लाख रुपैयाबाट “सामाजिक सहायता कोष” को स्थापना गर्ने लोक दोहोरी प्रतिष्ठानको निर्णय

काठमाडौं । राष्ट्रिय लोक तथा दोहोरी गीत प्रतिष्ठान नेपालको आयोजनामा पुस २० गतेका दिन नयाँ बानेश्वर स्थित अल्फा हाउसमा “नेपाल टेलिकम नारायण रायमाझी सांगीतिक साँझको धन्यबाद ज्ञापन कार्यक्रम” सम्पन्न भएको छ । “नेपाल टेलिकम नारायण रायमाझी सांगीतिक साँझ” भदौ महिनाको १५ गते नेपाल प्रज्ञा प्रतिष्ठान, कमलादी काठमाडौंको भवनमा भब्य रुपमा सम्पन्न भएको थियो । नेपाल टेलिकम नारायण रायमाझी सांगीतिक साँझको धन्यबाद ज्ञापन कार्यक्रममा केन्द्रिय अध्यक्ष रिता थापा मगरको अध्यक्षता रहेको थियो भने प्रतिष्ठानका संस्थापक अध्यक्ष अम्मर बिरही गुरुङको प्रमुख आतिथ्यता रहेको थियो । त्यस्तै बरिष्ठ गायक, सर्जक एबं चलचित्र निर्देशक नारायण रायमाझी, केन्द्रिय सल्लाहकार उज्ज्वल जंग ठकुरी, केन्द्रिय सल्लाहकार आरसी कोईराला, केन्द्रिय सल्लाहकार पृथ्बी थकाली लगायत अन्य अग्रज सर्जक स्रष्टाहरुको बिशेष आतिथ्यता रहेको थियो भने लोकप्रिय कलाकारहरु र पत्रकारहरुको पनि बिशेष उपस्थिती रहेको थियो ।

 

नेपाल टेलिकम नारायण रायमाझी सांगीतिक साँझको धन्यबाद ज्ञापन कार्यक्रममा मुख्य प्रायोजक, प्रायोजक, सहयोगीदाता, सहयोगी संघ संस्था, पत्रकारहरु, कलाकारहरु र नारायण रायमाझी सांगीतिक साँझमा बाध्यबादनको भुमिका निर्वाह गर्ने बाध्यबादकहरुलाई सम्मान गरिएको छ ।

 

“नेपाल टेलिकम नारायण रायमाझी सांगीतिक साँझको धन्यबाद ज्ञापन कार्यक्रम” को सञ्चालन केन्द्रिय महासचिव शिब हमालले गरेका थिए भने केन्द्रिय बरिष्ठ उपाध्यक्ष लोकप्रिय गायक पशुपती शर्माले स्वागत मन्तब्य राखेका थिए । केन्द्रिय अध्यक्ष रिता थापा मगरले मुख्य प्रायोजक, प्रायोजक, सहयोगीदाता, बिभिन्न संघ संस्था, बिभिन्न मिडिया, कार्यसमिति परिवार र प्रत्यक्ष तथा अप्रत्यक्ष रुपमा सहयोग गर्नुहुने सबै प्रती आभार प्रकट गर्दै आगामी बर्षहरुमा पनि बिभिन्न अग्रज कलाकारहरुको सांगीतिक साँझले निरन्तरता पाउने कुरामा बिश्वस्त रहन आग्रह गरेकी छिन् । साथै नेपाल टेलिकम नारायण रायमाझी सांगीतिक साँझबाट बचत भएको १० लाख रुपैयाको सामाजिक सहायता कोष स्थापना गर्ने र दुखी पिडित कलाकारहरुलाई सहयोग गर्ने निर्णय भएको कुरा जानकारी गराईन् । आगामी दिनमा पनि प्रतिष्ठानका हरेक क्रियाकलापमा सबैको तर्फबाट साथ सहयोग गर्न पनि अनुरोध गरिन् ।

 

बरिष्ठ गायक, सर्जक एबं चलचित्र निर्देशक नारायण रायमाझीले कार्यक्रममा बोल्दै भने “राष्ट्रिय लोक तथा दोहोरी गीत प्रतिष्ठान नेपालले हरेक बर्ष सांगीतिक साँझ गर्ने उदेश्य राखेको कुरा प्रती आभारी छु । त्यसमध्य पहिलो पटक नै म परेकोले आफैलाई भाग्यमानी ठानेको छु । केन्द्रिय अध्यक्ष रिता थापा मगर ज्युले मलाई दाई हाम्ले हरेक बर्ष अग्रज कलाकारहरुको सांगीतिक साँझ गरिदिने योजना बनाएका छौ, सुरुमा हजुरको सांगीतिक साँझ गरुम भनेर प्रस्ताब राख्नु भयो अनी मैले स्विकार गरें । त्यसपछि म धेरै हर्षित भए । यो कार्यक्रम गर्न केन्द्रिय कार्यसमिती लगायत उपत्यका समन्वय समिती र उपत्यका अन्तर्गत अन्य समितीहरु जुझारु रुपले लागेर कार्यक्रम सफल बनाईदिनु भयो, यो कुरा मलाई सधै स्मरण रहने छ । केन्द्रिय महासचिब शिब हमालले पनि बेला बेला दाई हजुरको एकल साँझ गर्न परो हामी साथ दिन्छौ भन्नु भएको थियो । सबैको लगाबले मेरो लागी ऐतिहासिक कार्यक्रम सम्पन्न भयो सबैको चाहना पुरा भयो यसैमा खुसी छु । सबैको साथ सपोर्ट पाएर खुसी संगै भाबुक भएको छु । अझै भन्नुपर्दा आफ्नो काम छोडेर दिनरात मलाई प्राक्टिस गराउने अनी कार्यक्रम सम्म साथ सपोर्ट गर्ने र आयोजकले जती दियो त्यसैमा खुसी हुने, कुनै पनि डिमान्ड नगर्ने बाध्यबाधकहरु प्रती नतमस्तक छु । त्यसै गरी कार्यक्रमलाई प्रचारप्रसार गरी सफल बनाउन सहयोग गर्नुहुने बिभिन्न मिडिया प्रती आभारी छु । हरेक ब्यक्तिहरुले आफ्नो प्रोफाईलमा मेरो फोटो अनी कार्यक्रमको पोस्टर राखेर प्रचार गरिदिनुभयो यस प्रती सबैप्रती आभारी छु । त्यसैगरी कार्यक्रम सफल बनाउन आर्थिकको महत्वपुर्ण पक्ष रहन्छ । कार्यक्रम सफल बनाउन मुख्य प्रायोजन गरिदिनुहुने नेपाल टेलिकम, प्रायोजकको रुपमा रहेको कृषी बिकाश बंैक अनी राष्ट्रिय बाणिज्य बैंक, अन्य बंैक, बिज्ञापनदाता, सहयोगी संघ संस्था र सहयोगीदाताहरु प्रती बिशेष आभार प्रकट गर्न चाहन्छु । म एउटा नयाँ अनुभब सुनाउन चाहन्छु । म चलचित्र परदेशीको शो को लागी बिभिन्न देशहरुमा जाँदा जस्ले पनि हजुरको सांगीतिक साँझ भब्य रुपमा सफल भएछ । तर हामी प्रदेशमा भएको भएर आउन पाईएन । यस्तो राम्रो कार्यक्रम छुट्याईयो भनेर गुनासो सुनाउनु भयो । मलाई माया गर्ने ब्यक्तिहरु यती धेरै हुनुरहेछ भनेर खुसी लाग्यो । अब अरु कलाकारहरुको पनि पालो आउने छ आतुर नहुनु होला । प्रतिष्ठानले हरेक बर्ष हरेक कलाकारहरुको सांगीतिक साँझ गर्ने कुराले निरन्तरता पाओस् भन्ने चाहन्छु । थोरै बोल्छु भन्दा भन्दै भाबुक हुँदै धेरै समय लिए । प्रतिष्ठान केन्द्र अनी सहयोगीदाता, बिभिन्न संघ संस्था, पत्रकार मित्रहरु सबै प्रती आभारी छु । सांगीतिक साँझमा उठेको रकमबाट हजुरलाई कती चाहिन्छ दाई भनेर केन्द्रिय अध्यक्ष रिता थापा मगर ज्युले सोध्नु भएको थियो । मलाई केही दिनु पर्दैन भनको थिए र आज सबैको सामु पनि जानकारी गराएको छु । धन्यबाद ।”

 

प्रमुख अतिथीको रुपमा रहेका राष्ट्रिय लोक तथा दोहोरी गीत प्रतिष्ठान नेपालका संस्थापक अध्यक्ष अम्मर बिरही गुरुङको भनाई यस्तो थियो “प्रतिष्ठानले यस्तो कार्यक्रम सम्पन्न गर्ला जस्तो मैले सोचेको थिईन । हरेक बर्ष हरेक अग्रज कलाकारको सांगीतिक साँझ गर्ने योजना त ठिकै हो । तर प्रत्यक बर्ष कार्यक्रम गर्न दुनिया सँग हात थापेर कार्यक्रम सम्पन्न गर्न पनि गाह्रो हुन्छ की ? बरु एक कार्यकालमा हरेक अध्यक्षहरुको नेतृत्वमा सांगीतिक साँझ गरिदिने पो हो की ? यसो गर्दा बरु सबैलाई सहज होला की । मैले सांगीतिक क्षेत्रमा योग्दान दिएको छैन र प्रतिष्ठानलाई पनि कुनै योग्दान दिएको छैन । मेरो अध्यक्षतामा संस्थाको स्थापना भएको हो । म संगै मेरा कार्यसमितिले काम गरेका हुन । मलाई जस दिन पर्दैन । म एक्लैले मात्र केही गर्न सक्दिनथे । म पछि हरेक अध्यक्षहरुले प्रतिष्ठानलाई चलाएमान गराउनु भयो र प्रतिष्ठानको गरिमा बढ्न थाल्यो । मलाई हरेक कार्यक्रममा सम्मान गर्दा ज्यादै हर्षित छु । प्रतिष्ठान प्रती केही गर्छु भन्ने जोस जागर बोकेर आएकी रिता थापा मगरको यो हिम्मत प्रती सलुट गर्दछु । हरेक कलाकारहरुलाई सांगीतिक साँझ गराएर सम्मान गर्नु गौरवको कुरा हो । प्रतिष्ठानले अरुको म्युजिक ट्रयाकमा गीत गाउन नपाउने निती ल्याउनु पनि राम्रो कार्य हो । आजकल मेला महोत्सवमा गीत नै नभएका कलाकारहरु गएर अरुको गीत गाईदिन्छन् । मुल स्रष्टा, सर्जक र गायकहरुले स्थान पाएका छैनन् । अझै भन्नु पर्दा आजकल त मेला महोत्सवहरुमा ठेकेदारहरुको बिगबिगी बढेको छ । वास्तविक कलाकार मेला महोत्सवमा हिड्न पाउदैनन् । नजिकका मान्छे मात्र बोलाउछन् । यस्तो गर्नु नितान्त गलत हो । कतिपय कलाकारहरु त ५० हजारमा गए भन्ने १५ हजारमा हिड्ने गरेको पनि सुनेको छ । आफ्नो क्षमता, कला भन्दा बढी अपेक्षा नगर्नुहोला । क्षमता र आफ्नो कला अनुसार अगाडी बढ्नुहोला । एकदिन अवश्य सफल हुनुहुने छ । क्षमता र कला भन्दा बढी अपेक्षा राख्यो भने दुघट्ना हुन सक्छ । पछिल्लो समय धेरै कलाकारहरु डिप्रेशनमा गएको देखेको छु, यो दुखको कुरा हो । त्यसैले आफ्नो क्षमता र कला भन्दा बढी अपेक्षा नराख्नुहुन सबैमा अनुरोध गर्दछु ।”

World Wide Multimedia Center Pvt. Ltd. Long Ad

“ईन्द्रेणी ७ औं राष्ट्रिय रनिङ शिल्ड दोहोरी गीत प्रतियोगिता – २०८०” भब्य रुपमा सम्पन्न, को को भए त बिजेता ?

“ईन्द्रेणी ७ औं राष्ट्रिय रनिङ शिल्ड दोहोरी गीत प्रतियोगिता – २०८०” भब्य रुपमा सम्पन्न, को को भए त बिजेता ?

वि.सं.२०८० फागुन ९ बुधवार ०४:४६

काठमाडौं । राष्ट्रिय लोक तथा दोहोरी गीत प्रतिष्ठान नेपालको आयोजनामा...

मौलिक नृत्यबाट जमेकि मोडल सुमित्रा गुरुङ

मौलिक नृत्यबाट जमेकि मोडल सुमित्रा गुरुङ

वि.सं.२०८० माघ २६ शुक्रवार ११:४६

गोरखा जिल्ला साबिक थालाजुङ २ हाल सिरान्चोक मा बाबा मनकाजि...

सुरेश शाही र शान्तिश्री परियारको स्वरमा “परदेशीको बाकस” सार्वजनिक

सुरेश शाही र शान्तिश्री परियारको स्वरमा “परदेशीको बाकस” सार्वजनिक

वि.सं.२०८० माघ १९ शुक्रवार १३:२६

-तुलसी गिरी ‘भावुक’ बहुआयामिक सर्जक सुरेश शाही र लोकप्रिय गायिका...

कलाकार दिनेश डाँगीको छोराको अप्रेशनको लागी चाहिने भयो १५ लाख रुपैंया, छोरा बचाईदिनका लागी डाँगीले गरे सहयोगको अपिल ।

कलाकार दिनेश डाँगीको छोराको अप्रेशनको लागी चाहिने भयो १५ लाख रुपैंया, छोरा बचाईदिनका लागी डाँगीले गरे सहयोगको अपिल ।

वि.सं.२०८० माघ १५ सोमवार १३:१२

काठमाडौं । कलाकार दिनेश डाँगीले यति बेला छोराको उपचारको लागि...

टिका भुजेल र आशा बिश्वकर्माको अभिनयमा “पुरानो माया” सार्वजनिक (भिडियो सहित)

टिका भुजेल र आशा बिश्वकर्माको अभिनयमा “पुरानो माया” सार्वजनिक (भिडियो सहित)

वि.सं.२०८० माघ १५ सोमवार १२:४१

काठमाडौं। नेपाली सांगीतिक बजार संगीतमय बन्दै गएको छ । पछिल्लो...

“मलाई लैजाउ” भन्दै आए साम्बेद अधिकारी

“मलाई लैजाउ” भन्दै आए साम्बेद अधिकारी

वि.सं.२०८० माघ १५ सोमवार ११:००

काठमाडौं। नेपाली सांगीतिक बजार संगीतमय बन्दै गएको छ । पछिल्लो...