काठमाडौं। नेपाली सांगीतिक बजार संगीतमय बन्दै गएको छ । पछिल्लो समय एकपछि अर्को गरेर गीतहरु आउनेक्रम बढे संगै कलाकारहरुले नयाँ नयाँ गीतहरु सार्वजनिक गरिरहेका छन्।

सोही क्रममा लोकप्रिय गीतकार दयाराम पाण्डेको शब्दमा “सम्झना” बोलको नयाँ गीत सार्वजनिक भएको छ । यस गीतमा इन्डियन आइडल–३ का उपविजेता अमित पलले स्वर दिएका छन् । गीत मार्फत गायक अमित पलले नेपाली गीत गाउने आफ्नो रहर पूरा भएकोमा खुसी व्यक्त गरेका छन् ।

छिट्टै नै सांगीतिक कार्यक्रमको शिलशिलामा नेपाल आउन चाहेको र नेपाली दर्शक श्रोताहरुसँंग साक्षात्कार गर्न आफू निकै नै उत्सुक भएको उनले बताए । ‘यो गीत शब्द संगीतका हिसाबले निकै नै उत्कृष्ट रहेको छ’ उनले भने । कृष रिजालको संगीत रहेको गीतको इजाज अलिले संगीत संयोजन गरेका हुन् ।

सुरेन्द्रमान कार्कीको छायांकन, सम्पादनमा यस गीतको म्यूजिक भिडियो तयार भएको छ । विशाल गुरुङको निर्देशन रहेको भिडियोमा मुक्ति उप्रेती र योगिशा महर्जनको अभिनय छ ।

हेर्नुहोस् भिडियो ।