स्थानीय तह निर्वाचनका लागि मतपत्र छाप्न थालियो
वि.सं.२०७८ चैत २१ सोमवार ११:३४
काठमाडौं । स्थानीय तह निर्वाचनका लागि मतपत्र छाप्न थालिएको छ । निर्वाचन आयोगका प्रवक्ता शालिग्राम शर्मा पौडेलले जनक शिक्षा सामग्री केन्द्रमा छपाइ कार्य भइरहेको बताए ।
“कुल २३ लहर समूहका ७७ प्रकारका १ करोड ९४ लाख थान मतपत्र छपाइ हुने छन् । सबैभन्दा कम १६ लहरको मतपत्र डोल्पाको हुनेछ र सबैभन्दा बढी ५६ लहरको मतपत्र काठमाडौंको हुनेछ,” उनले भने ।
एक लाख ८० हजार थान नमुना मतपत्र भने छपाइ सकिएको उनले बताए । दुर्गम जान धेरै समय लाग्ने भएकाले दुर्गम जिल्लाको मतपत्र पहिले छापिने उनले बताए ।
वि.सं.२०७८ चैत २१ सोमवार ११:३४
