सिन्धुपाल्चोक, ईन्द्रावती गाउँपालिका कुन्चोक ३, खुतुमेडाँडामा ल्होसार कार्यक्रमको आयोजना गरेको थियो।

उत्थान केन्द्र नेपाल ईन्द्रावती २ को आयोजनामा “२८५९ औं सोनाम ल्होसार बिशेष साँस्कृतिक कार्यक्रम” नामक उत्थान केन्द्र नेपालकी अध्यक्ष सन्जुमाया तामाङको सभापतित्वमा भब्यताका साथ सम्पन्न भएको छ ।

कार्यक्रममा ईन्द्रावती गाउँपालिका अध्यक्ष झम्क नेपालको प्रमुख आतिथ्यता, विशेष अतिथि गाउँपालिका उपाध्यक्ष शोभाना तामाङ,लामा गुरु ९दोर्जे लोपेन ओर्गेन० अतिथिहरु ईन्द्रावती गाउँपालिका वडा नम्बर २ अध्यक्ष श्याम शुभम गिरि, वडा नम्बर ३ का अध्यक्ष भिमसेन थापा लगायत ईन्द्रावती गाउँपालिकाका राजनीतिक दलका प्रतिनिधि साथै विभिन्न संघ संस्थामा आवद्ध सामजिक ब्यक्तित्वहरुको बाक्लो उपस्थिति रहेको थियो ।

सो कार्यक्रममा ख्याति प्राप्त स्थानीय सेलो गायक तेज थिङ्गले माहोल तताउन शुरु गरे संगै ईन्द्रावती युथ क्लब बाट रहेको ९ ट्रीकिङ्ग डेमोस्त्रेशन ० त्येस्तै गरि राष्ट्रिय तथा स्थानीय कलाकारहरुको संस्कृति झल्काउने बेजोड नृत्यहरुको प्रस्तुतिले आनन्दित र मनोरञ्जन प्रदान गराई आयोजक टिमले प्रमुख अथिती, अतिथी लगायत उपस्थित दर्शकहरु सबैलाई नाच्न बाध्य तुल्याए र सबैको मन जित्न सफल भए ।

उक्त कार्यक्रमलाई सम्बोधन गर्दै गाउँपालिका अध्यक्ष नेपालले प्रतिभावान स(साना भाइ बहिनिहरुलाई कार्यक्रम आयोजना गरि प्लेटफर्म उपलब्ध गराई स्थानीय कलाकारहरु उत्पादन गर्न सहयोग गरेको भन्दै आयोजक कमिटीलाई बधाई तथा शुभकामना दिए । यस्तै प्लेटफर्म र अवसरहरु दिन सक्यौं भने ईन्द्रावती गाउँपालिकामा राष्ट्रिय स्तरका कलाकारहरु जन्माउन सक्छौं भन्ने महशुस गरेको र सो कार्यमा ईन्द्रावती गाउँपालिकाको तर्फबाट अध्यक्ष नेपाल आफै पनि लागि परेको समेत जानकारी गराए ।

स्मरण रहोस उत्थान केन्द्र नेपाल ४ महिना अगाडि मात्रै ईन्द्रावती गाउँपालिका वडा नम्बर २ मा स्थापना भएको थियो ।