काठमाडौ । “बनाऔं आफ्नो पहिचान, छुवाछुत मुक्त समाज निर्माण हाम्रो अभियान” भन्ने मुल नारा सहित नेपाल दलित मुक्ति अभियान केन्द्रिय साँस्कृतिक बिभागको आयोजनामा “राष्ट्रिय ख्याती प्राप्त कलाकारहरुको साथमा तीज बिशेष सांगीतिक तथा दर खाने कार्यक्रम २०८०” भोली भदौ २९ गते शुक्रबारका दिन सामाखुसी स्थित रानीदेबी पार्टी प्यालेसमा सम्पन्न हुँदै छ । यो पहिलो तीज कार्यक्रम भएकोले सफल पार्न सबैले आफ्नो तर्फबाट सक्दो सहयोग गरिरिदन अध्यक्ष सुजन बराईलीले अनुरोध गरेका छन् ।

देशभर रहेका दलित समुदायका कलाकारहरुले एक भएर, संगठित भएर आफ्नो अधिकार सुनिश्चित गर्नुपर्ने समय आएको कुरा नेपाल दलित मुक्ति अभियान केन्द्रिय साँस्कृतिक बिभागका अध्यक्ष सुजन बराईलीले बताए । कार्यक्रममा बिभिन्न मनोरञ्जन लिनुका साथै चर्चित कलाकारहरुको साथमा दर पनि खान पाईने कुरा बराईलीले जानकारी गराएका छन् ।