काठमाडौं / नेपाल

महिलाहरुको महान पर्व हरितालिका तीज नजिकिदै गर्दा तीज विशेष गीतहरु बजारमा आउने क्रम जारी छन् । सोही क्रममा गीतकार देबी पराजुलीको नयाँ तीज गीत “लगनको सारी” को म्युजिक भिडियो OSR digital को युटुब मार्फत सार्वजनिक भएको छ ।

चुलोचौंको मेलापात देखि नारीहरु राज्य संचालन साथै नीति निर्माणको उच्च स्थानमा पुग्न सकेको, विभिन्न प्राबिधिक ज्ञान देखि उच्च शिक्षा हासिल गरेकोले नारीहरुमा निरासाबाट खुशीमा परिणत हुदै गएको भाव समेत उक्त गीतले समेटेको छ ।

धनको उचित सदुपयोगको साथै धन भन्दा मन ठूलो हुन्छ भन्ने सन्देश दिएको यस गीतको संगीत ज्योति प्रकाशले गरेका हुन् भने बिन्दु परियारको स्वर रहेको छ । यस गीतलाई चर्चित एरेन्जर सुदिप सागरले एरेन्ज गरेका हुन् ।

भक्तपुर जिल्ला सुर्यबिनायक नगरपालिका वार्ड नं.७ गुण्डुमा रहेको रणबम पार्टी तथा आत्मा सुद्धिकरण देवालय, किवाचोक र वरपर छायांकन गरिएको हो । उक्त भिडियोमा विभिन्न क्षेत्रका क्रियाशिल महिलाहरु तथा स्थानीय महिलाहरुको उल्लेख्य सहभागिता रहेको थियो । उक्त स्थानको ब्यबस्थापन सांसद महेश बस्नेत श्रीमती अम्बिका बस्नेत, राजु थापा तथा दिनेश थापाले गरेका थिए ।

सो गीतको भिडियोमा गोबिन्द अञ्जान र दिपेन्द्र प्रकाश केसीले संयुक्त रुपमा निर्देशन गरेका हुन् दिपेश बिष्टको कोरियोग्राफी, महेश महराको छायांकन, दिपक बिष्टको सम्पादन रहेको छ । यस गीतमा दिब्यानी ओलीको मुख्य अभिनय रहेको छ ।

सोही गीतको भिडियो हेर्न तलको लिन्क क्लिक गर्नु होला ।