काठमाडौं / नेपाल

महिलाहरुको महान पर्व हरितालिका तीज नजिकिदै गर्दा तीज विशेष गीतहरु बजारमा आउने क्रम जारी छन् । सोही क्रममा चर्चित गायिका सुनितामी परियार र तेजु सुनामको तीज विशेष नयाँ गीत सार्वजनिक गरिएको छ । मौलिक तीज गीत “पिया राजै” मा सुनितामीको स्वर सँगै संगीत रहेको छ भने गीतमा तेजु सुनामको शब्द रहेको छ । 

मौसम हिमालीको निर्देशन एवम् कोरियोग्राफीमा तयार पारिएको उक्त गितको भिडियोमा अञ्जली अधिकारी, सुनितामी परियार र तेजु सुनामको अभिनय तथा नृत्य रहेको छ । नवराज उप्रेतिले छांयाकन गरेको भिडियोलाई प्रविन भट्टले सम्पादन गरेका हुन् ।

गीतलाई लिएर गायिका सुनितामी उत्साहित बनेकी छिन् । सार्वजनिक भएको केही दिनमै सकारात्मक प्रतिक्रिया आइरहेको गायिका सुनितामीको भनाई छ । उनले मौलिक तीज गीतलाई फोकस गरेको र जतिले हेरे त्यतिबाट राम्रो प्रतिक्रिया पाइरहेको बताइन् ।

सोही गीतको भिडियो हेर्न तलको लिन्क क्लिक गर्नुहोला ।