काठमाडौं । गायिका विन्दु विसीको तीज विशेष गीत “घिनघिन मादल” को म्युजिक भिडियो सार्वजनिक भएको छ । उक्त म्युजिक भिडियो सिङ्गर विन्दु विसी नामक यूट्युब च्यानलमार्फत सार्वजनिक गरिएको हो । विन्दु विसीकै शब्द तथा स्वर रहेको सो गीतको लय र सङ्गीत संयोजन भने राकेश सोनीले गरेका हुन ।

नेपाली नारीहरुको विशेष पर्व हरितालिका तीज नजिकिदैँ गर्दा बजारमा आएको यो म्युजिक भिडियोले तीजको मावललाई झल्काएको छ । सो म्युजिक भिडियोमा गायिका विन्दु विसी र गायिका तथा मोडेल उत्साह घिमिरेले मुख्य अभिनयको भुमिका निर्बाह गरेका छन ।

त्यस्तै सुमन थापाले छायांकन गरेको भिडियोलाई नृत्य निर्देशन बबिता श्रेष्ठ र अन्य निर्देशन राकेश सोनीले गरेका हुन । प्रिज्म डिजिटल स्टुडियोमा रेकर्ड गरेको सो गीतको मास्टरिङ्ग श्यामश्वेत रसाइलीले गरेका हुन भने भिडियो सम्पादन विरेन्द्र भाट “विपिन” ले गरेका हुन ।