काठमाडौं। नेपाली सांगीतिक बजार संगीतमय बन्दै गएको छ। पछिल्लो समय एकपछि अर्को गरेर नयाँ नयाँ गीतहरु सार्वजनिक भईरहेका छन्। नेपाली महिलाहरुको महान पर्व हरितालिका तीज नजिकिदै छ। यसै अवसरमा बिभिन्न कलाकारहरुले तीज बिशेष गीत बजारमा ल्याउने होडबाजी चलिरहेको छ।

सोही क्रममा हिन्दु नारीहरुको महान चाड तीजलाई लक्षित गर्दै मा गायिका पुजन काफ्लेले यो बर्ष पनि मौलिक तीज गीत “हे आमा भन्न मिलेन” बजारमा ल्याएकी छिन्। काफ्ले कै स्वर, शब्द, लय रहेको यस गीतमा चर्चित मोडेल स्मारिका ढकालको साथमा संस्कृती र एलिजाको पनि अभिनय रहेको छ।

भिडियोमा प्रबिन थापाको निर्देशन, सरोज शाहीको छायांकन रहेको छ भने निराजन केसीको सम्पादन रहेको छ। बजारमा तीज गीत संगीतको नाममा कतिपय भ्युजको लागि छाडा र भद्दा गीत आईरहेको अबस्थामा पनि यो गीत मौलिक र सामाजिक परिबेश सुहाउदो रहेको छ। यस गीत्लाई पुजन काफ्ले युटुब च्यानलबाट सार्वजनिक गरिएको हो।

भिडियो हेर्न तलको गीत लिंक क्लिक गर्नुहोला।