काठमाडौं। नेपाली सांगीतिक बजार संगीतमय बन्दै गएको छ। पछिल्लो समय एकपछि अर्को गरेर नयाँ नयाँ गीतहरु सार्वजनिक भईरहेका छन्। सोही क्रममा अन्तरजातिय प्रेम जोडी गुल्मी की पार्वती बिश्वकर्मा र पाल्पाका प्रकाश ज्ञवालीको वास्तविक जिवन कथामा आधारित गीत “छाती चर्किन्छ” केही दिन अघी सार्वजनिक भएको छ। यस गीतले छोटो समयमा नै चर्चा कमाउन थालेको छ।

यस गीतमा यी जोडी सामाजिक रुपमा बहिस्कार भएको कुरा र प्रकाश ज्ञवाली डिप्रेशनमा जानुको मुख्य कारण खुलाउनुको साथै हालः यी जोडीको अवस्था के कस्तो छ भनेर सम्पुर्ण जानकारी दिन खोजिएको छ। सामाजिक बहिस्कार र जातिय बिभेदले गर्दा समाजमा के कस्तो असर पर्छ भन्ने कुराको चित्रण गर्दै जातिय बिभेदको अन्त्य हुनुपर्छ भन्ने सन्देश दिन खोजिएको छ। गुल्मी की पार्वती बिश्वकर्मा र पाल्पाका प्रकाश ज्ञवालीले करिब ६ बर्ष अघी बिवाह गरेका थिए।

अन्तरजातिय बिवाह गरे कै कारण यो जोडी सामाजिक बहिस्कार हुनु परेको थियो। सामाजिक बहिस्कार र घरबाट बहिस्कार भएपछि यही कुरा सोच्दा सोच्दै प्रकाश ज्ञवाली डिप्रेशनको शिकार भएका थिए। उनी डिप्रेशनमा गएको ९ महिना भएको छ। शती प्रथा हट्यो, हली प्रथा हट्यो तर जातिय प्रथा, छुवाछुत प्रथा अझै हट्न सकेको छैन। २१ औं शताब्दीमा मानव जाती एउटै हो, केवल महिला र पुरुष मात्र हो भन्ने गरिन्छ। तर मानव मानव बिच तल्लो जात र माथिल्लो जात भनेर बिभेद गरिन्छ। यही बिभेदका कारण र सामाजिक बहिस्कारको कारणले गुल्मी की पार्वती बिश्वकर्मा र पाल्पाका प्रकाश ज्ञवालीले अनेकौ पिडा भोग्नु परेको छ।

पार्वती बिश्वकर्माले दोहोरी साँझमा गीत गाएर जिविकोपार्जन गर्ने र प्रकाश ज्ञवालीको औषधी उपचार गर्ने गर्छिन्। गुल्मी की पार्वती बिश्वकर्मा र पाल्पाका प्रकाश ज्ञवालीको वास्तविक जिवन कथामा आधारित गीत छाती चर्किन्छ मा पिडित स्वयम् पार्वती बिश्वकर्माकोे स्वर रहेको छ भने दिपेन्द्र पौडेल र सुजन बराईलीले स्वरमा साथ दिएका छन्। यस गीतमा पत्रकार प्रकाश बराईली “अभिब्यक्ति” को शब्द, सञ्चारकर्मी राज कुमार रायमाझीको संगीत रहेको छ। सो गीतको एरेञ्ज लक्षु प्रकाश मल्लले गरेका हुन् भने मनोज डंगोलले मिक्सिङ गरेका हुन्।

गीतको भिडियोमा पत्रकार प्रकाश बराईली “अभिब्यक्ति” को कथा, निर्देशन, छायांकन रहेको छ भने राजेश कुमारले सम्पादन गरेका हुन्। उक्त गीतको भिडियोमा शुरबिर पण्डित, पार्वती बिश्वकर्मा, प्रकाश ज्ञवाली, दिपेन्द्र पौडेल र सुजन बराईलीको अभिनय रहेको छ।

“छाती चर्किन्छ” गीतको प्रोडक्सन म्यानेजरको रुपमा रमेश शिबशंकर रहेका छन्। यस गीतलाई प्रकाश बराईली “अभिब्यक्ति” को युटुब च्यानलबाट सार्वजनिक गरिएको हो।

गीतको भिडियो हेर्न तलको लिंक क्लिक गर्नुहोला।