काठमाडौं । लोकदोहोरी गायिका शान्ति श्री परियार र गायक पारस गोरालको युगल आवाज रहेको गीत “अमेरिका गाको भए” सार्वजनिक भएको छ ।

आत्मा विश्वास फिल्मसको प्रस्तुति रहेको उक्त गीत पारस गोरालकै शब्द सिर्जना र संगीतमा रहेको छ भने सञ्जय श्रीपालले संगीत संयोजन गरेका हुन् । त्यस्तै गीतको भिडियोमा दुर्गा विरहीले निर्देशन गरेका छन् ।

सोही भिडियोमा ओम प्रकाश गिरीको छायांकन रहेको छ भने अनिल विष्टले भिडियो सम्पादन गरेका छन् । साथै उक्त भिडियोमा दुर्गा बिरही, सञ्जु परियार, मायाँ सुनार, पारस गोरालको अभिन्य रहेको छ ।

आत्मा विश्वास फिल्मस नामक युट्युब च्यानल मार्फत गीतको भिडियो सार्वजनिक गरिएको छ । स्वदेशमा रहेर पनि रोजगारी नपाएका आमनागरिकका दुःख र संघर्षका कथा गीतको शब्दमा समावेश गरेर भिडियो बजारमा ल्याएको दुर्गा विरहीले बताए ।

धेरै नेपालीहरुको चाहना अमेरिका जाने भएको हुँदा त्यसैलाई मुख्य आधार बनाएको उनले बताए । गीतले भ्युज कमाउने भन्दा पनि मौलिक र दुःख या सुखमा सुन्ने खालको भएको विरहीको भनाइ छ ।

सोही गीतको भिडियो हेर्न तलको लिंक क्लिक गर्नुहोला ।