काठमाडौं / नेपाल

पछिल्लो समय राष्ट्रिय लोक तथा दोहोरी गीत प्रतिष्ठान नेपाल प्रती कलाकारहरुको आकर्षण बढ्दो छ । कलाकार र गीत संगीत प्रेमीहरुले यस संस्था प्रती धेरै चासो राख्ने गरेको पाईन्छ । त्यसै गरि यस संस्था संग आवद्ध हुनका लागि आजिवन सदस्यता लिने ब्यक्तिहरुको संख्या बढ्दो छ ।

सोहि क्रममा कुनै बेलाकी चर्चित एबम ब्यस्त नायिका तथा मोडल सबिना कार्कीले पनि राष्ट्रिय लोक तथा दोहोरी गीत प्रतिष्ठान नेपालको आजिवन सदस्यता लिएकी छिन् । यस संस्था संग आवद्ध भएर आफ्नो कलाकारीता यात्रालाई अगाडी बढाउने सोच रहेको कुरा उनले बताईन् ।

यस संस्था बिना आफ्नो कलाकारीता यात्रा अपुरो हुने कुरा पनि उनले बताइन् । सबिना कार्कीले दर्जनौ चलचित्र र दर्जनौ म्युजिक भिडियोहरुमा अभिनय गरिसकेछिन् । केही समय घर परिवारलाई समय दिनुपर्ने भएको कारणले कलाकारीता यात्रालाई केही समय ब्रेक गरेको र अब देखि निरन्तरता दिने सोच रहेको कुरा जानकारी गराईन् । राष्ट्रिय लोक तथा दोहोरी गीत प्रतिष्ठान नेपालको आजिवन सदस्यता प्राप्त गरेकोमा हार्दिक बधाई ज्ञापन गर्दछौं ।