काठमाडौं, नेपाल । पछिल्लो नेपाली सांगीतिक बजार संगीतमय बन्दै गएको छ । सांगीतिक क्षेत्रमा पछिल्लो समय एकपछि अर्को गरेर गीतहरु आउनेक्रम बढे संगै कलाकारहरुले नयाँ नयाँ गीतहरु सार्वजनिक गरिरहेका छन् । सोही क्रममा सुदूरपश्चिम प्रदेशका ९ वटा जिल्लाको धार्मिक, सांस्कृतिक, भाषिक र पर्यटीय क्षेत्रलाई समेटेर तयार पारिएको गीत “हाम्रो ९ जिल्ला” बोलको गीत सार्वजनिक भएको छ ।

यस गीतमा भानुभक्त जोशीको शब्द, भुवन बडुको लय र एरेन्ज रहेको छ । “हाम्रो ९ जिल्ला” नामक गीतमा डडेल्धुराका भोजराज भट्ट, कञ्चचनपुरका भुवन बडु, अछामका टेक बोगटी, बझाङका उमाशंकर जोशी, बैतडीका भानुभक्त जोशी, बाजुराका राजेन्द्र बाजुराली, डोटीका शेर बिष्ट, दार्चुलाका केशव बिष्ट र कैलालीका दिपेश बिष्टले स्वर दिएका छन् ।

गीतको भिडियोमा भीम थापाको निर्देशन, अमन बडुको छायांकन तथा सम्पादन रहेको छ । उक्त गीतको भिडियोमा जनक महरा, हेमराज अधिकारी (खन्ट्या खलास) दार्चुले बुढाको अभिनय रहेको छ । यस गीतलाई बिग परिबेश युटुब च्यानलबाट सार्वजनिक गरिएको हो । 

सोही गीतको भिडियो हेर्न तलको लिंक क्लिक गर्नुहोला ।