काठमाडौं । नेपाली सांगितिक बजार संगीतमय बन्दै गएको छ । पछिल्लो समय एकपछि अर्को गरेर गीतहरु आउनेक्रम बढे संगै कलाकारहरुले नयाँ नयाँ गीतहरु सार्वजनिक गरिरहेका छन्
। सोही क्रममा गायिका रिता के.सी.को स्वरमा रहेको गीत “एउटै छ तन” को भिडिओ बजारमा आएको छ । गायिका के. सी. ले आफ्नै अफिसियल युट्युब च्यानल Rita K C बाट भिडिओ रिलिज गरेकी हुन् ।

नृपध्वज खड्काको शब्द रचना, राम धिमालको सङ्गीत र मनोहर सुनामको सङ्गीत संयोजन रहेको यस गीतमा भोला पौडेलले मिक्सिङ र माष्टरिङ गरेका छन् । वर्ल्डकभर मिडियाको पोष्ट प्रोडक्सनमा तयार भएको यस म्युजिक भिडिओमा वीरेन्द्र भाट “विपिन” को निर्देशन, सिनेम्याटोग्राफी र सम्पादन रहेको छ ।

मान्छेको तनको महिमा र महत्व वयान गरिएको यस गीतमा तनलाई सर्वोपरि ठानिएको छ । मन(मस्तिष्क अटाउने यही तन, कर्म गर्ने यही तन, जीवनरथ गुडाउने यही तन ।आफ्नो तन छ र त संसार छ िएकबारको जुनी आफू जे जस्तो छौं, यसैमा खुशी खोजौं गीतले भनेको छ । आम गीतहरु भन्दा फरक भाव र गहिरो जीवनदर्शन बोकेर आएको यस गीतले हरेक श्रोतालाई आफूलाई बुझ्न सिकाएको छ ।

हेर्नुहोसु भिडियो ।