काठमाडौं। नेपाली सांगितिक बजार संगीतमय बन्दै गएको छ । पछिल्लो समय एकपछि अर्को गरेर गीतहरु आउनेक्रम बढे संगै कलाकारहरुले नयाँ नयाँ गीतहरु सार्वजनिक गरिरहेका छन्। सोही क्रममा लोकप्रिय सर्जक कस्तुप पन्तको नयाँ गीत “कसो गरम म” सार्वजनिक भएको छ ।

यस गीतमा उनै कस्तुप पन्तको शब्द, संगीत रहेको छ भने लोकप्रिय गायक गायिका बिमलराज क्षत्री र सुनिता बुढा क्षत्रीको स्वर रहेको छ । यस गीतको एरेञ्ज भने चर्चित एरेञ्जर रमेश सेञ्चुरीले गरेका हुन् । धेरै समय अघी मधु बनैमा र अंगुर अमिलो गीत बिमलराज क्षत्री र कस्तुप पन्तको सहकार्यमा रहेको गीत मध्य सुपरहिट गीत हुन् । लामो समयपछि क्षत्री र पन्त यस गीत मार्फत पुनः सहकार्य गरेका हुन् ।

चर्चित निर्देशक कुमार केसीको निर्देशन रहेको गीतमा अजय रेग्मीको छायांकन, अमृत चापागाईको सम्पादन रहेको छ । उक्त गीतको भिडियोमा कस्तुप पन्त, जुना गुरुङ, यशु भट्टराई र अशोक पौडेल आदीको अभिनय रहेको छ । यस गीतलाई कस्तुप पन्तको युटुब च्यानलबाट सार्वजनिक गरिएको हो ।

सोही गीतको भिडियो हेर्न तलको लिंक क्लिक गर्नुहोला ।