काठमाडौं । मोडल तथा नायिका दिपाशा बिसीको बिहिबार निधन भएको थियो । उनले बुधबार बिष सेवन गरेपछि उनलाई थापाथली स्थित नर्भिक हस्पिटलमा लगिएको थियो । दिपाशा बिसीको निधन भएको घोषणा भईसकेपछि बिहिबार पोष्टमार्टमका लागी टिचिङ लगिएको थियो । उनको आमा दुबईबाट आउन समय लाग्ने भएपछि शनिबार सम्म कुरिएको थियो । आमा आईसकेपछि शनिबार बिहान पोष्टमार्टम गरि शबयात्रा गरी पशुपती आर्यघाटमा लगिएको थियो ।

पशुपती आर्यघाटमा कलाकारहरु, पत्रकारहरुको बाक्लो उपस्थिती संगै रुवाबासी पनि भएको थियो । कलाकारहरुले दिपाशा बिसीको परिवारलाई समबेदना प्रकट गर्दै फुल चढाएर श्रद्धाञ्जली अर्पण गरेका थिए । दिपाशा बिसीको २०४८ साल साउन २८ गतेका दिन सुर्खेतमा जन्म भएको थियो भने २०८० कात्तिक २३ गते निधन भयो । ऋण अनि चर्काे ब्याजका कारण तनाबग्रस्त भएर मृत्युको बाटो रोजेर आफ्नो ब्युटी पार्लरका स्टाफहरुलाई भिडियो कल गर्दै बिष सेवन गरेको निकट ब्यक्तिहरुले बताएका छन् । उनले काठमाडौं मलमा ब्युटी पार्लर ब्यवसाय गर्दै आईरहेकी थिईन् । उनले ब्युटी पार्लर ब्यवसाय सुरु गरे लगत्तै केही महिनापछि कोरोनाको महामारीका कारण केही समय ब्यवसाय ठप्प पनि भएको थियो । लकडाउनका कारण धेरै ब्यवसायी र नेपाली जनताहरु मारमा परे । यसै कारण पनि उनी ऋणको भारी बोकेको अनुमान गर्न सकिन्छ ।

उनी घरको जेठी छोरी थिईन् । उनले जेठो छोराको सरह सम्पुर्ण ब्यबहार सम्हालेकी थिईन् । साथै भाई र बहिनीलँई पनि आफैले पढाएकी थिईन् । उनका एक भाई र एक बहिनी छन् । दिपाशा बिसीको निधनले सिंगो कलाकारिता क्षेत्र स्तब्ध भएको छ । सबै कलाकारहरु भाबुक भएका छन् । धेरै कलाकारहरुले दिपाशा बिसीले किन यस्तो गरिन्, किन गलत बाटो रोजिन् भनेका छन् । पछिल्लो समय सांगीतिक क्षेत्र पनि धरासायी बन्दै गएको छ । सोचेको अनी राम्रो गीतले पनि बजार पाउन सकेको स्थिती छैन । पछिल्लो समय सांगीतिक क्षेत्रमा कमै ब्यक्तिहरुले मात्र सफलता पाएका छन् । सोचे जस्तो सफलता नपाएका कलाकारहरु डिप्रेशनको शिकार पनि बनेका छन् ।

दिपाशा बिसीमा हरेक प्रकारमा क्षमता हुँदापनि सांगीतिक क्षेत्रको बजार ओरालो लाग्ने स्थिती देखेर, ऋणको भारी अनी चर्काे ब्याजका कारण डिप्रशनमा पुगेर बिष सेवन गर्न बाध्य भएको अनुमान गर्न सकिन्छ । उनी बि.सं. २०६८ सालमा फिल्म दुलही रानीबाट चलचित्र क्षेत्रमा डेब्यु गरेकी उनले बिरानो माया, चाल, दुलही रानी र झेली, चँैबन्दी आदी चलचित्रमा अभिनय गरेकी छिन् । उनी ‘जलपरी’ नामले समेत मोडलिङ र फिल्ममा परिचित थिइन् । दिपाशा बिसी प्रती हाम्रो तर्फबाट मृत्तात्माको चिरशान्तीको कामना गर्दै हार्दिक श्रद्धाञ्जली अर्पण गर्दै शोकाकुल परिवारजन प्रती धैर्य धारण गर्ने शक्ति मिलोस् भन्ने कामना गर्दछौं