सिन्धुपाल्चोक। ईन्द्रावती गाउँपालिका कुन्चोक- २ अवस्थित श्री महेन्द्र मा.बि.को ६५ औं वार्षिकोत्सव सप्पन्न भएको छ । कार्यक्रममा बिद्यालय व्यवस्थापन समिती अध्यक्ष सञ्जु माया तामाङ्गको सभापतित्वमा इन्द्रावती गाउँपालिका अध्यक्ष झम्क नेपालको प्रमुख आतिथ्यता र इन्द्रावती गाउँ पालिकाका प्रशासकीय प्रमुख श्री पुर्ण प्रसाद दुलाल, इन्द्रावती गाउँपालिका वडा नँ २ का अध्यक्ष श्री श्याम शुभम गिरि , इन्द्रावती गाउँ पालिका वडा नँ ३ भिमसेन थापा बिशेष आत्थियता रहेको थियो। त्यसै गरि अथितिहरुमा नवलपुर प्रहरी प्रभाग प्रमुख, विभिन्न संघ सस्थाबाट प्रतिनिधि लगायत को बाक्लो उपस्थितिमा बिधालयले ६५ औं बार्षिकोत्सव भब्य रुपले सप्पन्न भएको हो।

स्थानीय प्रतिभा, विद्यार्थीहरुको क्षमता र शिक्षकहरुको नेतृत्वदायी भुमिकालाई मध्यनजर गर्दै सोही बिद्यालयकै विद्यार्थी र शिक्षकहरुले आ(आफ्नो कला संस्कृति र पहिचान झल्काउने खालको प्रस्तुती देखाएका थिए।

उक्त वाषिकोत्सव कार्यक्रममा विद्यालयमा रहेको अक्षयकोषबाट छात्रवृत्ति वितरण गरिनुका साथै बिद्यालयमा कक्षा १ देखि १२ कक्षा सम्म उत्कृष्ठ हुन सफल विद्यार्थीहरु र उत्कृष्ठ हुन सफल शिक्षकहरुलाई प्रमुख अथिती, विशेष अथितीहरु द्वारा सम्मान सहित मेडल, प्रमाणपत्र र नगदराशी सहित पुरस्कार वितरण गरिएको थियो ।