“स्वस्थ रहन जिवनका लागि खेलकुद, राष्ट्रका लागि खेलकुद” भन्ने मुल नाराका साथ बिश्वकर्मा स्पोर्ट्स एकेडेमीको आयोजनामा “प्रथम बिश्वकर्मा कप खुल्ला फुटसल प्रतियोगिता – २०७९” सम्पन्न भएको छ ।

यस प्रतियोगिता सोही समितिका अध्यक्ष देबि गौतम गहतराजको सभापतित्वमा सम्पन्न भएको थियो भने प्रमुख अतिथिको रुपमा माननीय युवा तथा खेलकुद मन्त्री महेश्वर गहतराज रहेका थिए ।

कार्यक्रममा बिश्वकर्मा समाजका अध्यक्ष तथा पुर्व डिएसपी गोपाल बिश्वकर्मा, NNDSWO का राष्ट्रिय अध्यक्ष त्रिलोक चन्द बिश्वास बिक, प्रहरी प्रभाग टोखाका बरिस्ठ प्रहरी नायब निरीक्षक जय बहादुर सिंह लगायत अन्यको उपस्थिति रहेको थियो । प्रतियोगिता ग्राण्डी फुटसल, टोखा न.पा. ५ काठमाडौंमा सम्पन्न भएको हो ।

सो प्रतियोगितामा सुर्य फुटसल A प्रथम र सुर्य फुटसल B द्वितीय हुन सफल भएका थिए । उक्त प्रतियोगितामा प्रथम हुनेलाई ६० हजार रुपैया, ट्रफी र प्रमाणपत्र, द्वितीय हुनेलाई ३० हजार, ट्रफी र प्रमाणपत्र पुरस्कार तोकिएको थियो ।