काठमाडौं, नेपाल । लेखक डा. दलिपकुमार मल्लद्वारा लिखित सेतो धर्तिमा “सप्तरंगी फूल” र “रुइसे दरबार” दुई पुस्तक प्रमुख अतिथी समाजसेवी सांसद डा. आरजु राना देउवाको आतिथ्यमा लोकार्पण भएको छ ।

यसमा सभापतिको आसन शिखा बुक्सका प्रबन्ध निर्देशक पुष्प पौडेल, लेखक डा. दलिपकुमार मल्ल, विशष्ठि अतिथीमा गृह सचिव विनोद प्रकाश सिंह, पूर्वराजदुत तथा साहित्यकार प्रतिभा राना र समालोचक सुमन वर्षा र राजकुमार बाँनिया आतिथ्यमा सम्पन्न भएको थियो । यस कार्यक्रम संचालक महेश क्षितिजले गर्नु भएको थियो भने शुभकामाना मन्तव्य गुह सचिव विनोद प्रकाश सिंहले दिनुभएको थियो ।

यस कृतिमा सन्र्दभमा राजकुमार बानियाँ र सुमन वर्षाले समालोचक गरेका थिए । प्रकाशित दुवै पुस्तकमध्ये ‘सेतो धर्तीमा सप्तरंगी फूल’ द्वन्द्वले पारेको सामाजिक मनोवैज्ञानिक कथा संग्रह हो । यसले दशवर्षे जनआन्दोलनको कथा र त्यसमा भएको सामाजिक पिडाहरुको यर्थाथ चित्रण गरिएको छ भने यस्तै ‘रुइसे दरबार’ ऐतिहासिक सामाजिक उपन्यास हो । यसमा म्याग्दी राखूमा रहेर पनि ओझेलमा परेको इतिहास र त्यसको गरिमालाई उठान गरिएको छ ।

यो उपन्यासले चोधौ शताब्दीको एक सामाजिक कथाको चित्रण गरेको छ । यो क्षेत्रमा रुईसे दरबारबाट भुरे टाकुरे राजाहरुले आफ्नो क्षेत्राधिकार कायम गरि कसरी राज्य चलाएका थिए । राज्य चलाउँदा छिमेकी राज्यहरुसँगको सिमानाका समस्या र बढदो पर्वतराज्यको राज्यविस्तारले गर्दा राजनैतिक, कुटनैतिक सम्बन्ध छिमेकी राज्यसँग कसरी सम्बन्ध स्थापना गरिएको थियो । आफ्नो राज्य कायम राख्न हर राज्यका राजा र प्रजाहरुको कस्तो पारस्परिक सम्बन्ध हुनु पर्दछ यसको मिहिन रुपमा प्रस्तुत गरिएको उपन्यास हो ।

अझ झन तात्कालिक समयमा सती प्रथालाई कसरी बढवा दिइएको थियो । त्यो समयमा सती प्रथा विरुद्ध पनि आवाज नउठेका पनि होइनन् । महिलाले उठाएका आवाज र पुरुषप्रधान समाजले बढवा दिएको सतीप्रथाको कथाको चित्रण हो ।