प्रिती बिक र आर.सी. बिश्वकर्माको स्वरमा रहेको नयाँ गीत “मेरो बाबा” रातारात बन्यो भाईरल (भिडियो सहित)
वि.सं.२०८० फागुन २१ सोमवार १०:०४
काठमाडौं । नेपाली सांगीतिक बजार संगीतमय बन्दै गएको छ । पछिल्लो समय एकपछि अर्को गरेर गीतहरु आउनेक्रम बढे संगै कलाकारहरुले नयाँ नयाँ गीतहरु सार्वजनिक गरिरहेका छन्।
सोही क्रममा पछिल्लो समयकी भाईरल बाल गायिका प्रिती बिक र आर.सी. बिश्वकर्माको स्वरमा नयाँ गीत “मेरो बाबा” केही दिन अघी सार्वजनिक भएको छ । सार्वजनिक भएको केही दिनमा नै ४ लाख भन्दा बढी दर्शकहरुले यस गीतलाई नियालेका छन् ।
पछिल्लो समयमा धेरै जसो गीतको भ्युज जान मुस्किल नै छ । भ्युजको खडेरी नै लाएको जस्तो मानिन्छ । यस्तो अवस्थामा पनि ४ लाख भन्दा बढी दर्शकहरुले यस गीतलाई नियाल्नु सामान्य कुरा होईन ।
यस गीतमा गायक स्वयम् आर.सी. बिश्वकर्मा कै शब्द, संगीत रहेको छ भने पछिल्लो समयका ब्यस्त एरेञ्जर समित परियारले एरेञ्ज, मिक्सिङ गरेका हुन् ।
गीतको भिडियोमा शोभित बिश्वकर्माले निर्देशन गरेका छन् भने याम हर्मेलको छायांकन, रबिन बिकको सम्पादन रहेको छ । यस गीतलाई HD Creation Nepal युटुब च्यानलबाट सार्वजनिक गरिएको हो ।
हेर्नुहोस् भिडियो ।
वि.सं.२०८० फागुन २१ सोमवार १०:०४
