काठमाडौं । नेपाली सांगितिक बजार संगीतमय बन्दै गएको छ । पछिल्लो समय एकपछि अर्को गरेर गीतहरु आउनेक्रम बढे संगै कलाकारहरुले नयाँ नयाँ गीतहरु सार्वजनिक गरिरहेका छन्
।

सोही क्रममा चर्चित गायिका रिता केसी र विवेक अर्यालको स्वरमा रहेको युगल गीत “रिसाउली” को भिडिओ सार्वजनिक भएको छ । भिडिओ World Cover Media युट्युब च्यानलबाट रिलिज गरिएको हो । गायक विवेक अर्यालकै शब्द रचना र संगीतमा सिर्जना भएको यस गीतमा सुरेश शाहीले संगीत संयोजन गरेका छन् भने कृष्ण पुनको मिक्सिङ र माष्टरिङ रहेको छ ।

वर्ल्ड कभर मिडियाको पोष्ट प्रोडक्शनमा निर्मित “रिसाउली” को भिडिओमा वीरेन्द्र भाट “विपिन” को निर्देशन, सिनेम्याटोग्राफी र सम्पादन रहेको छ । समयसापेक्ष विषयबस्तुमा लेखिएको यो गीत सामाजिक सञ्जालमा लाइभ बस्ने युवती र लाइभ हेर्ने युवकबीचको कथामा आधारित रहेको छ ।

लाइभ बस्ने र हेर्नेबीच निकटता, प्रेम र बिबाह सम्मका कैयौं घटनाहरु भईरहेको वर्तमान सन्दर्भसँग सम्बन्धित यस गीतमा पनि एक अर्काप्रतिको प्रेम, स साना घुर्की र गुनासाका साथै सँगै हुने चाहनाहरु व्यक्त भएका छन् ।

हेर्नुहोस् भिडियो ।