चर्चित लोक दोहोरी गायिका देबी घर्तीले सहारा एप सगरमाथा अवार्डमा “लोक गायिका पपुलर म्युजिक अवार्ड” हात पार्न सफल भएकी छिन् । यस अवार्डमा हातमा घती छ गीतले लोक गायिका पपुलर म्युजिक अवार्ड दिलाएको हो ।

करिब ५ हजार भन्दा बढी गीतहरुमा स्वर दिएकी गायिका देबी घर्तीले दर्जनौ अवार्ड पाउन सफल भएकी छिन् । बागलुङ जिल्लाको पाण्डव खानी, रमुवा – १ मा बुवा ललित बहादुर घर्ती र आमा नन्द कुमारी घर्तीको कोखमा जन्मिएकी उनै सफल गायिका देबी घर्ती देश तथा बिदेशका बिभिन्न कार्यक्रमहरुमा सहभागिता जनाईसकेकी छिन् ।

सानै देखी गायनमा रुची राख्ने देबी घर्ती राष्ट्रिय लोक तथा दोहोरी गीत प्रतिष्ठान नेपालकी केन्द्रिय सदस्य समेत हुन् । उनले गाएका गीतहरु हास्न सिकायौ, उही खोलीमा पानी, बदला बरिलै, फुलमा मौरी डुल्ने बेलामा, जिम्माल बाको आगनीमा, भजन संग्रह, वनकी चरी, सालैजो, माकुर माकुर घुर, लौरी हरायो लगायत थुप्रै गीतहरुले चर्चा परिचर्चा कमाउन सफल भएका थिए ।

देबी घर्तीले यही बर्षको दशै तिहार म्युजिक अवार्डमा ह्याप्पी दशै गीत मार्फत “सर्बाेत्कृष्ठ लोक गायिका” को अवार्ड प्राप्त गरेकी थिईन् । आफुले सफलता पाउनुमा भगवान रुपी दर्शकहरुको हात रहेको कुरा गायिका देबी घर्ती बताउछिन् । आगामी दिनमा यसै क्षेत्रलाई निरन्तरता दिने सोच रहेको र स्टेज कार्यक्रम संगै स्टुडियोमा समय दिने बेला आएको उनले बताईन् ।