काठमाडौं । लोक दोहोरी गायक भीम पौडेलको निधन भएको छ । स्याङजा खुदी घर भएका उनी लामो समय देखि लोक दोहोरी गायनमा सक्रिय थिए । उनी केही समयदेखि विरामी रहेको कुरा सुन्नमा आएको छ । उनको घरमै मध्यरातमा निधन भएको हो ।

राष्ट्रिय लोक तथा दोहोरी गीत प्रतिष्ठान नेपालका अध्यक्ष रमेश विजी भन्छन् “लामो समयदेखि उनी लोकदोहोरी गायनमा सक्रिय थिए । दोहोरी प्रतियोगिताबाट गायनमा प्रवेश गरेका भाई हुन् । उनले प्रतिस्पर्धा गरेका थुप्रै प्रतियोगितामा म नै निर्णायक थिएँ । राम्रो प्रतिभा भएको मान्छे हो । पछिल्लो समय उनी लाई भ दोहोरीमा लोकप्रिय थिए । भीम शालिन स्वभावको प्रतिभावान गायक हुन् । उनको निधन हुनु समग्र लोक दोहोरी क्षेत्रकै लागि अपुर्णीय क्षति हो,”