काठमाडौं । नेपाल संगीत तथा नाट्य प्रज्ञा प्रतिष्ठानको लोक संगीत विभागद्वारा आयोजित लोपोन्मुख “असारे र दाइँ गीत” विषयक सङ्गोष्ठी काठमाडौंमा भएको छ ।

नेपाल संगीत तथा नाट्य प्रज्ञा प्रतिष्ठानका उप कुलपति शम्भु राईको सभाध्यक्षमा संचालन भएको कार्यक्रममा वरिष्ठ लोक गायक बम बहादुर कार्कीको प्रमुख आतिथ्यता रहेको थियो ।

नेपाल संगीत तथा नाट्य प्रज्ञा प्रतिष्ठानको सदस्य सचिव कुश्मा महरा र संस्कृतविद तथा पुर्व माननिय बम कुमारी बुढाको विशिष्ट आतिथ्यतामा प्राज्ञहरु, परिषद सदस्यहरु लगायत विभिन्न संघ संस्थाका प्रतिनीधीहरुको उपस्थीती रहेको थियो ।

कार्यक्रमको उद्घाटन लुगुम्याल चेलीबेटी आमा समुहको पञ्चेबाजाको तालसंगै प्रमुख अतिथीको हातबाट दियो बालेर गरिएको हो । उक्त कार्यममा लोक संगीत विभाग प्रमुख प्राज्ञ टिका पुनले स्वागत मन्तब्य राखेकी थिईन् ।

असारे गीत र दाइँ गीत माथी गायक तथा सर्जक किरण बाबू पुनले प्रस्तुत गरेको कार्यपत्र माथि प्राध्यापक डाक्टर ध्रुव प्रसाद भट्टराई र संस्कृतविद तथा पुर्व सांसद बमकुमारी बुढामगरले टिप्पणी गरेका थिए ।

असारे गीत र दाइँ गीतको परिभाषा, महत्व र वर्गीकरणको विषयमा प्रस्तुतकर्ता किरण बाबू पुनले कार्यपत्र प्रस्तुत गरेका हुन् । असारे गीत र दाइँ गीत माथी टिप्पणीकर्ता डा.ध्रुव प्रसाद भट्टराईले सकारात्मक टिप्पणी गर्दै कार्यपत्र पस्तुत गर्दा मुख्य विषयवस्तु मात्र समावेस गरेर छोटो बनाउन समेत सुझाव दिएका थिए ।

असारे र दाइँ गीतलाई रोल्पातिर मकै गोड्दा गाइने गीतसँग तुलना गर्दै संस्कृतविद बम कुमारी बुढाले टिप्पणी गरेकी हुन् । कार्यपत्र प्रस्तुतकर्ता किरणबाबु पुनको यो प्रयास अनि यात्रालाई बधाई दिदै आगामी दिनको लागि शुभकामना समेत दिएकी हुन् ।

उक्त कार्यक्रममा अथार मगरात कलाकार संघका कलाकारहरु मार्फत “दाइँ गीत”, पञ्चरंग भजन समुहबाट “नेवारी असारे गीत”, शिव नारायण जोशीको समुहबाट “घाँसे गीत”, हाँस्यकलाकार खबपुको हाँस्य प्रस्तुती, गायक विपीन घिमीरे र गायिका शिला बिष्टले ‘देउडा गीत’ प्रसतुत गरेका थिए ।

कार्यक्रममा बोल्दै प्रमुख अतिथी बम बहादुर कार्कीले आफु यस्तो कार्यक्रममा जोडिएर केहि कुरा सिक्न पाएकोमा हर्षित भएको भन्दै आयोजकलाई धन्यवाद समेत दिएका थिए ।

बम बहादुर कार्कीले प्रतिष्ठान फुटायो भन्नेहरुलाई आफुले कसैलाई फुटाउन भन्दा पनि जुटाउनको लागी नयाँ संस्था खोलेको जानकारी गराएका थिए । लोक दोहोरीको मात्र नभएर हरेक विधाका कला, संस्कृती, मौलीक संस्कृतीलाई जगेर्ना गर्ने उद्देश्य भएको कुरा समेत प्रष्ट पारेका हुन ।

संचारकर्मी हरि पुन मगरले उद्घोषण गरेको उक्त संगोष्ठीलाई सभाध्यक्ष शम्भु राईले औपचारिक रुपमा समापन गरेका थिए