काठमाडौं । म्युजिक भिडियो कलाहरुको छाता संगठन म्यूजिक भिडियो कलाकार संघ नेपालको “छैठौं साधारणसभा तथा तेस्रो अधिवेशन” यहीं साउन १९ गते शुक्रबार काठमाडौंको अनामगर स्थित किम्ची रेस्टुरेन्टमा सम्पन्न हुने भएको छ।

संघले एक सूचना जारी गर्दै संस्थामा आबद्ध भएका सम्पूर्ण सदस्यहरुले आफ्नो सदस्यता नविकरण गर्न र नयाँ सदस्यता लिन अनुरोध गरेको छ । नबिकरणको हकमा ५ सय रुपैया र नयाँ सदस्यताको हकमा २ हजार रुपैया शुल्क लाग्ने कुरा कोषाध्यक्ष देबेन्द्र क्षत्रीले जानकारी गराएका छन् ।

त्यस्तै, संघको विधान बमोजिम योग्यता पुगेका नयाँ सदस्यता लिन चाहनेहरुले सदस्यता लिनको लागि यही साउन १५ गतेसम्म समय निर्धारण गरिएको छ । साउन १५ गतेसम्म सदस्यता नविकरण तथा नयाँ सदस्यता लिएका सदस्यहरुले मात्र अधिवेशनमा मताधिकारको प्रयोग गर्न पाउने संघले जानकारी गराएको छ ।

म्यूजिक भिडियो कलाकार संघ नेपालको “छैठौं साधारणसभा तथा तेस्रो अधिवेशन” लाई भब्य तथा सभ्य रुपमा सफल बनाईदिन अध्यक्ष शंकर बिसीले अनुरोध गरेका छन् ।