राष्ट्रिय लोक तथा दोहोरी गीत प्रतिष्ठान नेपाल केन्द्रिय समितीद्वारा आयोजित “टुबोर्ग छैटौँ राष्ट्रिय रनिङ शिल्ड खुल्ला दोहोरी गीत प्रतियोगिता – २०७८” को टाईसिट सार्वजनिक भएको छ ।

प्रतियोगितामा भाग लिन ७० वटा टिमको दर्ता भएता पनि छाटकाट गरि जम्मा ६१ वटा टिम छनौट गरिएको कुरा सोही प्रतियोगिताका निर्णायक संयोजक एबम पुर्ब अध्यक्ष चन्द्र शर्माले जानकारी गराएका छन् ।

विगतमा प्रतिष्ठानका तत्कालीन अध्यक्ष चन्द्र शर्माको कार्यकालमा सुरु भएको नियमित रनिङ शिल्ड प्रतियोगिता विश्वव्यापी महामारीको रुपमा फैलिएको कोभिड – १९ का कारण २ वर्ष अवरुद्ध भएको र हाल: महामारी सामान्य भएपश्चात पुनः निरन्तरता दिन लागिएको कुरा केन्द्रिय अध्यक्ष रमेश बिजिले जानकारी गराए ।

प्रतियोगितामा प्रथम स्थान हासिल गर्नेलाई नगद रु.२ लाख २५ हजार, प्रमाणपत्र, मेडल र शिल्ड र प्रमाणपत्र, दोस्रो स्थान हासिल गर्नेलाई नगद रु.१ लाख ५० हजार, प्रमाणपत्र, मेडल, तेश्रो स्थान हासिल गर्नेलाई नगद रु. १ लाख नगद, प्रमाणपत्र, मेडल र सान्त्वना स्थान हासिल गर्नेलाई नगद रु ५० हजार, प्रमाणपत्र, मेडल र उत्कृष्ट २ पुरुष, २ महिला साथै उत्कृष्ट भेषभूषा र अनुशासित टीमलाई रु १० हजार नगद, मेडल र प्रमाणपत्र प्रदान गरिने कुरा आयोजक पक्षले जानकारी गराएको छ ।

“टुबोर्ग छैटौँ राष्ट्रिय रनिङ शिल्ड खुल्ला दोहोरी गीत प्रतियोगिता – २०७८” को टाईसिट यस प्रकार रहेको छ ।