“नवौं संस्थागत कलाकार भलिबल प्रतियोगिता तथा बृहत् साँस्कृतिक कार्यक्रम – २०७९” हुने
वि.सं.२०७९ मंसिर २२ बिहीवार ११:५९
काठमाडौं, नेपाल । राष्ट्रिय लोक तथा दोहोरी गीत प्रतिष्ठान नेपाल, उपत्यका समन्वय सुन्धारा समितिको आयोजनामा “नवौं संस्थागत कलाकार भलिबल प्रतियोगिता तथा बृहत् साँस्कृतिक कार्यक्रम – २०७९” सम्पन्न हुने भएको छ ।
यस कार्यक्रम यहि मंसिर २९ गते देखि पुस २ गते सम्म आयोजना हुने छ । सो कार्यक्रम ढोरपाटन स्पोर्ट खेल मैदान (कान्तिपुर मल), नयाँ बसपार्क, काठमाडौंमा हुने कुरा सुन्धारा समितिका अध्यक्ष चेतन गोतामेले जानकारी गराएका छन् । यस कार्यक्रममा सह -आयोजकको रुपमा उपत्यका समन्वय समिति रहेको छ ।
यस कार्यक्रममा करिब १० समूह बिच प्रतिस्पर्धा हुने कुरा आयोजक पक्षले जानकारी गराएको छ । बिगतका बर्षहरु झै बार्षिक रुपमा रहेको यस कार्यक्रमलाई निरन्तरता दिन लागिएको कुरा जानकारी गराउदै सुन्धारा समितिका अध्यक्ष चेतन गोतामेले कार्यक्रमलाई भब्य, सभ्य र बिबाद रहित बनाईदिन अनुरोध समेत गरेका छन् ।
वि.सं.२०७९ मंसिर २२ बिहीवार ११:५९
