रामचन्द्र पौडेलको सहमतिबेगर देउवा पक्षले महाधिवेशन नसार्ने

नेपाली काँग्रेसको १४ औं महाधिवेशन संवैधानिक समयसीमा भित्र नहुने स्थिति बन्दै गएपछि नेताहरु छलफलमा जुटेका छन् । भदौ १६–१९ का लागि निर्धारित महाधिवेशनको कार्यतालिका प्रभावित भइसकेको छ । शीर्ष नेताहरु अब पार्टीको संवैधानिक संकट टार्न विकल्प खोजिरहेका छन् । भदौ २३ भित्रै महाधिवेशन गरिसक्नुपर्ने संवैधानिक बाध्यता छ ।

नेपाली काँग्रेसले २०७२ फागुन २३ गते १३ औँ महाधिवेशन सम्पन्न गरेको थियो । आगामी भदौ २३ गते केन्द्रीय कार्यसमितिको कार्यकाल ५ वर्ष ६ महिना पूरा हुँदैछ । नेपालको संविधानको धारा २६९ उपधारा ४ अनुसार महाधिवेशन भएको ५ वर्ष ६ महिनाभित्र केन्द्रीय र प्रादेशिक कार्यसमितिको निर्वाचन गरिसक्नुपर्ने व्यवस्था छ ।

महाधिवेशन तोकिएको समयमा गर्न नसकिने स्थिति आएपछि प्रधानमन्त्री एवं पार्टी सभापति शेरबहादुर देउवाको निजी निवास बूढनीलकण्ठमा बुधरबार दिउँसो ३ बजेबाट शीर्ष नेताहरुको बैठक चलिरहेको छ । भोलि (बिहीबार) बस्ने केन्द्रीय कार्य समितिको बैठकका एजेण्डामाथि सहमति जुटाउन शीर्ष नेताहरु छलफलमा जुटेको सहमहामन्त्री प्रकाश शरण महतले जानकारी दिए ।

विहीबार बस्ने केन्द्रीय कमिटी बैठकमा महाधिवेशनको कार्यतालिकाका साथै निर्वाचन निर्देशिका प्रस्तुत गर्ने एजेण्डा छ । तर, भदौ १६–१९ का लागि निर्धारित महाधिवेशनको कार्यतालिका प्रभावित भएपछि नयाँ कार्यतालिका ल्याउने विषयमा काँग्रेसमा सहमति जुट्न सकेको छैन ।

सभापति देउवाले भदौ भित्र अधिवेशन उद्घाटन गरेर मंसिरभित्र महाधिवेशन सम्पन्न गर्ने गरी नयाँ कार्यतालिका ल्याउने अनौपचारिक प्रस्ताव गरेको बुझिएको छ । तर, त्यसका लागि पार्टीभित्र सबै पक्ष सहमत भए मात्र नयाँ कार्यतालिका ल्याइने स्रोत बताउँछ । अहिलेसम्म वरिष्ठ नेता रामचन्द्र पौडेल भने महाधिवेशनको मिति पटक–पटक सार्ने पक्षमा छैनन् । यसअघि काँग्रेसले पाँच पटक कार्यतालिका संशोधन गरिसकेको छ ।

भदौमा महाधिवेशन गर्न नसकिए विशेष महाधिवेशन गर्नुपर्ने पौडेलको अडान छ । भदौभित्र महाधिवेशन गर्न नसकिए पार्टी वैधानिक संकटमा पर्ने पौडेलको भनाइ छ । सोमबार बसेको पौडेल पक्षीय केन्द्रीय समितिको अनौपचारिक बैठकले पनि निर्धारित मितिमै महाधिवेशन गर्नुपर्ने निष्कर्ष निकालेको थियो । सोमबार र मंगलबार काठमाडौंमा भएको पौडेल पक्षीय जिल्ला सभापतिको बैठकले पनि निर्धारित मितिमै महाधिवेशन गर्नुपर्नेमा जोड दिएको छ ।

भदौमा नियमित महाधिवेशन गर्न नसकिए पौडेलले अगाडि सारेको विशेष महाधिवेशनलाई कार्यान्वयनमै लैजानुपर्ने जिल्ला सभापतिहरूको निष्कर्ष छ । तर, भदौमा महाधिवेशन गर्न नसकिने निष्कर्षमा पुगेका देउवाले पौडेलको विशेष महाधिवेशनको प्रस्ताव पनि अस्वीकार गरिसकेको अवस्था छ ।

सभापति देउवा र महामन्त्री शशांक कोइराला मंसिरमा महाधिवेशन गर्ने गरी नयाँ कार्यतालिका ल्याउने कुरामा एक मत देखिएको पाइन्छ । काँग्रेसभित्रको यो परिदृश्यका बीचमा महाधिवेशनबारे सहमति जुटाएर केन्द्रीय कमिटी बैठकमा जाने तयारी भइरहेको छ ।

त्यसका लागि सभापति देउवा, वरिष्ठ नेता रामचन्द्र पौडेल, उपसभापति विमलेन्द्र निधि, महामन्त्रीद्वय शशांक कोइराला, पूर्णबहादुर खड्का, नेता कृष्णप्रसाद सिटौला, सहमहामन्त्री महत, नेता मिनेन्द्र रिजाल लगायत छलफल गरिरहेका छन् ।

नयाँ विकल्प दिन तीन नेताको सुझाव

मंगलबार साँझ देउवाले संस्थापनइत्तर पक्षीय नेताहरु डा। शेखर कोइराला, डा। मिनेन्द्र रिजाल र गगन थापासँग छलफल गरेका थिए । गगन थापाका अनुसार भदौमा कसरी महाधिवेशन गर्न सकिन्छ र महाधिवेशन हुन नसके के कसरी अगाडि बढ्ने भन्ने विषयमा छलफल भएको थियो ।

आफूहरुले सबैसँग सहमति गरेर नयाँ विकल्प दिन सुझाएको थापाले बताए । जवाफमा देउवाले सोहीअनुसार आफूले संवाद थालेको बताएका थिए । देउवाले महाधिवेशन सार्ने परिस्थितिमा के कस्ता विकल्प छन् भनेर सोमबार प्रमुख निर्वाचन आयुक्त र महान्यायाधिवक्तासँग पनि परामर्श गरेका थिए ।

देउवा पक्षले सहमतिबेगर महाधिवेशन नसार्ने

देउवाले बुधबार बिहान आफू पक्षीय नेताहरुसँग पनि आन्तरिक छलफल गरे । देउवा पक्षीय नेताहरुको छलफलले पौडेल पक्षसँग सहमति भए महाधिवेशन सार्ने निष्कर्ष निकालेको छ ।

बुधबार बिहानको छलफलपछि रमेश लेखकले भने, ‘पार्टीभित्र सबै सहमत भए भने महाधिवेशन सार्ने विकल्पबारे सोच्न सकिन्छ । पार्टीभित्र सहमति भएन भने भदौभित्रै महाधिवेशन गर्ने गरी कार्यतालिका संशोधन गरिन्छ ।’

देउवा पनि सम्भव भएसम्म भदौभित्र महाधिवेशन गर्ने पक्षमै रहेको लेखकको भनाइ छ । उनले भने, ‘सकेसम्म महाधिवेशन भदौभित्र गर्ने हाम्रो निष्कर्ष हो । भोलिको केन्द्रीय कमिटीमा महाधिवेशनको कार्यतालिका प्रस्तुत हुन्छ । जे विषयमा सहमति हुन्छ, त्यहीअनुसार कार्यतालिका आउँछ ।’

क्रियाशील सदस्यता विवाद समाधान उन्मुख

काँग्रेसमा देखिएको क्रियाशील सदस्यता विवाद भने समाधान उन्मुख भएको नेताहरुले बताएका छन् । बारा, सप्तरी र धनुषा क्षेत्र नम्बर ४ र सर्लाही क्षेत्र नम्बर २ मा कायम रहेको नयाँ सदस्यता विवाद समाधान उन्मुख रहेको सहमहामन्त्री प्रकाश शरण महतले बताए ।

उनका अनुसार विजय गच्छदार, सुनील बहादुर थापा समूहका लगायत अन्य पार्टीबाट प्रवेश गरेका केही नेता कार्यकर्ताको हकमा देखिएको क्रियाशील सदस्यता विवाद पनि टुंगिएको छ ।

उनले भने, ‘क्रियाशील सदस्यता करिब टुंगिएको अवस्था छ । बारा र सप्तरीको विवादमा केही विषय टुंग्याउन बाँकी छ । हामीबीच सहमति भएकोमा उहाँहरु ९पौडेल पक्ष० ले कार्यान्वयनमा आनाकानी गर्नुभएको छ । आज त्यो विषयमा पनि छलफल हुन्छ ।’ त्यसका लागि क्रियाशील सदस्य विवाद समाधान उच्चस्तरीय समिति र पार्टी समायोजन समितिका बीच छलफल हुनेछ । बाँकी विषयमा समाधान निकाल्ने महतले बताए ।

World Wide Multimedia Center Pvt. Ltd. Long Ad

गायक एबम् सर्जक शोभित बिश्वकर्मालाई एञ्जिला बिश्वकर्माको झलझली याद आएर हैरान (भिडियो सहित)

गायक एबम् सर्जक शोभित बिश्वकर्मालाई एञ्जिला बिश्वकर्माको झलझली याद आएर हैरान (भिडियो सहित)

वि.सं.२०८० फागुन १५ मंगलवार ०८:४६

काठमाडौं। नेपाली सांगीतिक बजार संगीतमय बन्दै गएको छ । पछिल्लो...

राष्ट्रिय लोक तथा दोहोरी गीत प्रतिष्ठान नेपाल, उपत्यका समन्वय ललितपुर समितीको आयोजनामा “दोस्रो संस्थागत एकल लोक गायन प्रतियोगिता – २०८०” सम्पन्न

राष्ट्रिय लोक तथा दोहोरी गीत प्रतिष्ठान नेपाल, उपत्यका समन्वय ललितपुर समितीको आयोजनामा “दोस्रो संस्थागत एकल लोक गायन प्रतियोगिता – २०८०” सम्पन्न

वि.सं.२०८० फागुन १३ आइतवार ०९:४९

काठमाडौं । राष्ट्रिय लोक तथा दोहोरी गीत प्रतिष्ठान नेपाल, उपत्यका...

चर्चित मोडल मञ्जिता केसीले अमेरिका जाने प्रलोभनमा अमेरिकन संग गरिन् बिहे (भिडियो सहित)

चर्चित मोडल मञ्जिता केसीले अमेरिका जाने प्रलोभनमा अमेरिकन संग गरिन् बिहे (भिडियो सहित)

वि.सं.२०८० फागुन ९ बुधवार ०९:५४

काठमाडौं। नेपाली सांगीतिक बजार संगीतमय बन्दै गएको छ । पछिल्लो...

“ईन्द्रेणी ७ औं राष्ट्रिय रनिङ शिल्ड दोहोरी गीत प्रतियोगिता – २०८०” भब्य रुपमा सम्पन्न, को को भए त बिजेता ?

“ईन्द्रेणी ७ औं राष्ट्रिय रनिङ शिल्ड दोहोरी गीत प्रतियोगिता – २०८०” भब्य रुपमा सम्पन्न, को को भए त बिजेता ?

वि.सं.२०८० फागुन ९ बुधवार ०४:४६

काठमाडौं । राष्ट्रिय लोक तथा दोहोरी गीत प्रतिष्ठान नेपालको आयोजनामा...

मौलिक नृत्यबाट जमेकि मोडल सुमित्रा गुरुङ

मौलिक नृत्यबाट जमेकि मोडल सुमित्रा गुरुङ

वि.सं.२०८० माघ २६ शुक्रवार ११:४६

गोरखा जिल्ला साबिक थालाजुङ २ हाल सिरान्चोक मा बाबा मनकाजि...