काठमाडौं । गायक तथा संगीतकार सुखदेव राईको ‘खुट्टै खोल्च्याङ ट्याङ’ बोलको नयाँ रमाईलो गीतको भिडियो सार्वजनिक भएको छ । मदिरा पारखीहरुले शरीरले धान्नेभन्दा बढी रक्सी पिउँदा गन्तव्यमा पुग्नै सकस हुने वास्तविकतालाई गीतको भिडियोमा प्रस्तुत गरेको छ ।

जनक वाग्लेको शब्दमा गीतको संगीत सुखदेव स्वयमले गरेका छन् भने उनलाई स्वरमा बेनु गुरुङले साथ दिएकी छिन् त्येस्तै बालकृष्ण सेवाचार्यले गीतको एरेन्ज गरेका छन् ।

सर्मिला राई तथा प्रसाद राई (सेन्सेइ–गोर्खा क्याप्टेन)को रमाइलो अभिनय हेर्दा दर्शकलाई हाँसो लाग्छ । प्रसादले मदिरा सेवनपछि आफैं उत्तानो पर्दाको समस्यालाई दर्शाएका छन् ।

उक्त भिडियोलाई नेपाली गीतसंगीतका अनुभवी गायक तथा संगीतकारसँगै निर्देशकको पहिचान बनाएका प्रियजन राईले निर्देशन गरेका छन् भने मोहनकुमार झिल्लुको छायाँकन, दीपेश एसके (शक्ति)को कोरियोग्राफी तथा अनिलकुमार महर्जनको सम्पादन रहेको छ ।

उक्त भिडियो एस टि टिभीको अफिसिएल युत्युब च्यानल मार्फत सार्वाजनिक गरिएको छ । भिडियो हेर्नको लागी तलको लिन्कमा गएर क्लिक गर्न सक्नु हुनेछ ।