काठमाडौं। नेपाली सांगीतिक बजार संगीतमय बन्दै गएको छ। पछिल्लो समय एकपछि अर्को गरेर नयाँ नयाँ गीतहरु सार्वजनिक भईरहेका छन्। हिन्दु नारीहरुको महान चाड हरितालिका तीज आउन बाँकी नै छ। तर पनि तीज गीतहरु आउनेक्रम जारी छ।

सोही क्रममा गायक तथा संगीतकार नरहरीप्रेमीको तीज बिशेष मौलीक गीत “सरकारी प्याली जोबन” सार्वजनिक भएको छ। छाडा तथा अस्लिल गीतहरु आएको समयमा पुरानो मौलिक गीतलाई संरक्षण गर्न सरकारी प्याउली जोबन गीत बजारमा ल्याईएको कुरा गीतको युनिटले जानकारी गराएको छ।

यस गीतमा विष्णु प्रसाद शर्मा, नरहरि प्रेमी, पूर्णकला बि.सी. र अनिल श्रेष्ठको स्वर रहेको छ भने विष्णु प्रसाद शर्माको शब्द तथा लय, नरहरि प्रेमीको संगीत निर्देशन, लक्षु प्रकाश मल्लको एरेञ्ज, मनोज डंगोलको मिक्सिङ रहेको छ।

राजकुमारको निर्देशन रहेको भिडियोमा मोडल आशा भुसाल र पवन खतिवडा “बाबा” को अभिनय रहेको छ।

भिडियोमा खेम थापा मगरको छायांकन, अर्जुन बि.सी.को कोरियोग्राफी तथा निर्देशक राजकुमारले सम्पादन गरेका हुन्। यस गीतलाई नरहरी प्रेमीको युटुब च्यानलबाट सार्वजनिक गरिएको हो।

भिडियो हेर्न तलको लिंक क्लिक गर्नुहोला।